കൊച്ചി : അര്ജ്ജുന് ആയങ്കിയുടെ ഭാര്യ അമലയ്ക്ക് സ്വര്ണ്ണക്കടത്തുമായി ബന്ധപ്പെട്ട വിവരങ്ങള് അറിയാമായിരുന്നതായി കസ്റ്റംസ്. നേരത്തെ സ്വര്ണ്ണക്കടത്തുമായി ബന്ധപ്പെട്ട് യാതൊരു തരത്തിലുള്ള അറിവും തനിക്കില്ലാ എന്നായിരുന്നു അമലയുടെ മൊഴി. അര്ജ്ജുന്റെ വീട്ടില് നിന്നും കസ്റ്റംസ് കണ്ടെടുത്ത ഡയറിയിലെ കുറിപ്പുകളില് നിന്നാണ് അമലയ്ക്ക് സ്വര്ണ്ണക്കടത്തുമായി ബന്ധപ്പെട്ട് കൃത്യമായ അറിവ് ഉണ്ടായിരുന്നതായി വിവരം ലഭിച്ചിരിക്കുന്നത്. അമലയെ കസ്റ്റംസ് ഇന്ന് വീണ്ടും ചോദ്യം ചെയ്യലിനായി വിളിപ്പിച്ചിട്ടുണ്ട്.
