കൊച്ചി : നെടുമ്പാശ്ശേരി വിമാനത്താവളത്തില്‍ വിദേശത്ത് നിന്നും കൊണ്ടു വന്ന ഒരു കോടിയോളം രൂപ വില വരുന്ന സ്വര്ണം പിടികൂടി. ഒരാളെ കസ്റ്റഡിയില്‍ എടുത്തു. ഖത്തറില്‍ നിന്നും ഖത്തര്‍ എയര്‍വേസ് വിമാനത്തില്‍ വന്ന മലപ്പുറം സ്വദേശിയില്‍ നിന്നാണ് 1,998 ഗ്രാം സ്വര്ണം പിടികൂടിയത്. മിക്സിയിലും സ്പീക്കറിലും കഷണങ്ങളാക്കി ഒളിപ്പിച്ചാണ് സ്വര്ണം കൊണ്ടുവന്നത്. കസ്റ്റംസാണ് സ്വര്ണം പിടികൂടിയത്. കസ്റ്റഡിയില്‍ എടുത്ത യാത്രക്കാരനെ കസ്റ്റംസ് ചോദ്യം ചെയ്യുകയാണ്.
