കാസര്കോട് : ജില്ലയില് വീണ്ടും സ്വര്ണവേട്ട. കോഴിക്കോട് ഭാഗത്തുനിന്ന് വരുകയായിരുന്ന കാറില്നിന്ന് 3.11 കിലോ സ്വര്ണം കസ്റ്റംസ് പിടികൂടി. സംഭവവുമായി ബന്ധപ്പെട്ട് മംഗളൂരു സ്വദേശിയെ കസ്റ്റഡിയിലെടുത്തു. ശനിയാഴ്ച വൈകീട്ട് നാലോടെ ചന്ദ്രഗിരി പാലത്തിനു സമീപമാണ് സ്വര്ണം പിടികൂടിയത്. കാറില് ഒളിപ്പിച്ച നിലയിലായിരുന്നു സ്വര്ണം.1.52 കോടി വിലവരുന്ന സ്വര്ണമാണിതെന്ന് കസ്റ്റംസ് അധികൃതര് പറഞ്ഞു. രഹസ്യവിവരത്തിന്റെ അടിസ്ഥാനത്തിലാണ് കസ്റ്റംസ് റോഡില് പരിശോധന നടത്തിയത്. ഈമാസം രണ്ടാം തവണയാണ് സ്വര്ണം പിടികൂടുന്നത്. കാസര്കോട് കസ്റ്റംസ് സൂപ്രണ്ട് പി.പി രാജീവ്, ഹെഡ് ഹവില്ദാര്മാരായ കെ.ചന്ദ്രശേഖര, കെ.അനന്ത, എം.വിശ്വനാഥ എന്നിവര് നേതൃത്വം നല്കി.
