മലപ്പുറം: കരിപ്പൂര് വിമാനത്താവളത്തിൽ പോലീസ് 67 ലക്ഷം രൂപയുടെ സ്വർണം പിടികൂടി. ചൊവ്വാഴ്ച രാവിലെ ഏഴിന് ദുബൈയില്നിന്ന് വന്ന ഇന്ഡിഗോ വിമാനത്തിലിറങ്ങിയ തൃശൂര് വാടാനപ്പള്ളി സ്വദേശി മുഹമ്മദ് റഷീദാണ് (62) 964 ഗ്രാം സ്വര്ണവുമായി വിമാനത്താവളത്തിന് പുറത്ത് പിടിയിലായത്. പിടികൂടിയ സ്വർണത്തിന് വിപണിയിൽ 67 ലക്ഷം രൂപ വിലവരും. കാരിയറായ മുഹമ്മദ് റഷീദിന് സംഘം 85,000 രൂപയാണ് ഓഫർ ചെയ്തത്. ദുബൈയിൽ ജോലി ചെയ്യുന്ന അൻസാറാണ് സ്വർണം കൊടുത്തുവിട്ടത്. പിന്നിലുള്ളവരെ കണ്ടെത്താനുള്ള ശ്രമം തുടരുകയാണെന്ന് ജില്ല പൊലീസ് മേധാവി എസ്. ശശിധരന് പറഞ്ഞു. പിടിച്ചെടുത്ത സ്വർണം കോടതിയില് സമര്പ്പിക്കും. തുടര്നടപടികള്ക്കായി പ്രിവന്റിവ് കസ്റ്റംസിന് റിപ്പോര്ട്ട് സമര്പ്പിക്കും. സാധാരണ ഇത്തരം കേസുകള് കസ്റ്റംസിന് കൈമാറുകയാണ് പൊലീസ് ചെയ്യാറുള്ളത്. എന്നാല്, പുതിയ ഭാരതീയ ന്യായ സംഹിത പ്രകാരമുള്ള കേസായതിനാല് തുടര്നടപടികള് പോലീസിന് ചെയ്യാം.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
വാര്ത്തകള് ക്ഷണനേരം കൊണ്ട് ലോഡാകുവാന് ഏറ്റവും പുതിയ സാങ്കേതികവിദ്യയാണ് ഉപയോഗിച്ചിരിക്കുന്നത്. മറ്റു വാര്ത്താ ആപ്പുകളില് നിന്നും തികച്ചും വ്യത്യസ്തമാണ് പത്തനംതിട്ട മീഡിയയുടെ ആപ്പ്. ഏതൊക്കെ കാറ്റഗറിയിലുള്ള വാര്ത്തകള് തങ്ങള്ക്കു വേണമെന്ന് ഓരോ വായനക്കാര്ക്കും തീരുമാനിക്കാം. ഒരു ദിവസത്തെ വാര്ത്തകള് മാത്രം കാണുന്നതിനും സാധിക്കും. കൂടാതെ ഫെയ്സ് ബുക്ക്, വാട്സ് ആപ്പ് തുടങ്ങിയ സോഷ്യല് മീഡിയാകളിലേക്ക് വാര്ത്തകള് അതിവേഗം ഷെയര് ചെയ്യാനും സാധിക്കും. അരോചകമായ പരസ്യങ്ങള് ഉണ്ടാകില്ല. ഇന്റര്നെറ്റിന്റെ പോരായ്മകള് ആപ്പിന്റെ പ്രവര്ത്തനത്തെ ബാധിക്കില്ല. തികച്ചും സൌജന്യമായാണ് വാര്ത്തകള് ലഭിക്കുന്നത്.
