ചെങ്ങന്നൂര് : ചെങ്ങന്നൂര് എസ്.എന്.ഡി.പി യൂണിയനില്പ്പെട്ട് 1827-ാം നമ്പര് ബുധനൂര് കിഴക്ക് ശാഖയുടെ ഒരുവര്ഷം നീണ്ടുനില്ക്കുന്ന സുവര്ണ്ണജൂബിലി ആഘോഷങ്ങള്ക്ക് തുടക്കമായി. ശാഖയുടെ 50-ാംമത് വാര്ഷികപൊതുയോഗവും ശാഖാവക സോഷ്യല്മീഡിയ ഗ്രൂപ്പിന്റെ 4-ാംമത് വാര്ഷികവും ശാഖാ ആഡിറ്റോറിയത്തില് യൂണിയന് കണ്വീനര് അനില് പി.ശ്രീരംഗം ഉദ്ഘാടനം ചെയ്തു. ചെങ്ങന്നൂര് യൂണിയന് നടപ്പിലാക്കുന്ന ശ്രീ.വെള്ളാപ്പള്ളി നടേശന് സ്നേഹംഭവന പദ്ധതിയില് ഉള്പ്പെടുത്തി ശാഖാ അംഗമായ മണ്ണാര്തുണ്ടിയില് അനിരുദ്ധന്റെ കുടുംബത്തിന് യൂണിയന് വീടു നിര്മ്മിച്ച് നല്കുമെന്ന് അനില് പി ശ്രീരംഗം പറഞ്ഞു.
ശ്രീനാരായണ കണ്വന്ഷന്, മാതൃ-പിതൃ കുടുംബസംഗമം, കര്മ്മനിരതാ പ്രവര്ത്തനം മുന്നേറാന് സംഘടനാ പദ്ധതി, വിദ്യാഭ്യാസ സഹായനിധി, വിവിധ ചികിത്സാ ധനസഹായങ്ങള്, മെഡിക്കല് ക്യാമ്പ്, ഭക്ഷ്യകിറ്റുവിതരണം, ഘോഷയാത്ര, ആഡിറ്റോറിയം നവീകരണം ഉള്പ്പെടെയുള്ള വിവിധ പദ്ധതികള് ഈ കാലയളവില് നടപ്പിലാക്കുമെന്ന് പ്രസിഡന്റ് കെ.ആര് മോഹനന്, വൈസ്പ്രസിഡന്റ് പി.ഡി രാജു, സെക്രട്ടറി പി.ജെ പ്രഭ എന്നിവര് പറഞ്ഞു. യൂണിയന് അഡ്.കമ്മറ്റി അംഗവും ശാഖാ പ്രസിഡന്റുമായ കെ.ആര് മോഹനന് അദ്ധ്യക്ഷത വഹിച്ച യോഗത്തില് ശാഖാ വൈസ് പ്രസിഡന്റ് പി.ഡി രാജു, സെക്രട്ടറി പി.ജെ പ്രഭ, യൂണിയന് കമ്മറ്റി അംഗം സതീശന് കെ.റ്റി, സോഷ്യല്മീഡിയ വാട്സ്ആപ്പ് ഗ്രൂപ്പ് അഡ്മിന് കലേഷ്, വനിതാസംഘം സെക്രട്ടറി സിന്ധു സുരേഷ്, ഗ്രാമപഞ്ചായത്ത് അംഗം ഹരിദാസ് എന്നിവര് പ്രസംഗിച്ചു. പഠനത്തിന് മികവ് പ്രകടിപ്പിച്ച വിദ്യാര്ത്ഥികള്ക്ക് ചടങ്ങില് ക്യാഷ് അവാര്ഡ് നല്കി.
