മുഖാമുഖം
ജില്ലയില് നേവിയില് നിന്ന് വിരമിച്ച വിമുക്ത ഭടന്മാരും അവരുടെ വിധവകള്ക്കും പരാതി പരിഹരിക്കുന്നതിനും ക്ഷേമപദ്ധതി സംബന്ധിച്ച മുഖാമുഖം ഏപ്രില് 24 രാവിലെ 11 മുതല് 1.30 വരെ ജില്ല സൈനിക ക്ഷേമ കാര്യാലയത്തില് നടക്കും. ഫോണ് – 0468 2961104.
—
ഇലക്ട്രിക്ക് വെഹിക്കിള് സര്വീസിങ്
കുന്നന്താനം കമ്യൂണിറ്റി സ്കില് പാര്ക്കില് ഇലക്ട്രിക് വെഹിക്കിള് സര്വീസിങ് പരിശീലനം നടത്തുന്നു. പ്രായപരിധി 18 – 40. യോഗ്യത – പ്ലസ് ടു. 2.5 ലക്ഷം രൂപയില് താഴെ വാര്ഷിക വരുമാനം ഉള്ള ഒബിസി വിഭാഗക്കാര്ക്കും കോട്ടയം ജില്ലയിലെ ഗ്രാമപ്രദേശങ്ങളില് സ്ഥിരതാമസക്കാരായ പട്ടികജാതി കുട്ടികള്ക്കും സൗജന്യമായി പഠിക്കാം. അവസാന തീയതി ഏപ്രില് 18. ഫോണ് – 9495999688.
ഹോസ്പിറ്റല് അഡ്മിനിസ്ട്രേഷന്
കേരള സ്റ്റേറ്റ് റൂട്രോണിക്സ് സര്ട്ടിഫിക്കറ്റോടെ തിരുവനന്തപുരം ആറ്റിങ്ങല് അംഗീകൃത പഠനകേന്ദ്രങ്ങളിലേക്ക് ഒരുവര്ഷം ദൈര്ഘ്യമുള്ള പ്രൊഫഷണല് ഡിപ്ലോമ ഇന് ഹോസ്പിറ്റല് അഡ്മിനിസ്ട്രേഷന് കോഴ്സിലേക്ക് ഇന്റെണ്ഷിപ്പോടുകൂടി റഗുലര്, പാര്ട്ട് ടൈം ബാച്ചുകളിലേക്ക് പ്ലസ് ടു കഴിഞ്ഞവരില് നിന്ന് അപേക്ഷ ക്ഷണിച്ചു. ഫോണ് – 7994926081.
—
റാങ്ക് പട്ടിക റദ്ദായി
ജില്ലയിലെ വിവിധ വകുപ്പുകളില് ക്ലര്ക്ക് ടൈപ്പിസ്റ്റ് / ടൈപ്പിസ്റ്റ് ക്ലര്ക്ക് ( കാറ്റഗറി നം. 103/2019) തസ്തികയിലേക്ക് 2023 മാര്ച്ച് 24 ന് നിലവില് വന്ന റാങ്ക് പട്ടിക മൂന്നുവര്ഷ കാലാവധി പൂര്ത്തിയാക്കിയതിനാല് റദ്ദായതായി ജില്ല പി എസ് സി ഓഫീസര് അറിയിച്ചു. ഫോണ് – 0468 2222665
—
ടെന്ഡര്
തിരുവല്ല താലൂക്ക് ആസ്ഥാന ആശുപത്രിയിലേക്ക് ഒരു വര്ഷത്തേക്ക് ഓക്സിജന്, മറ്റ് വിവിധ വാതകങ്ങള് എന്നിവയുടെ സിലിണ്ടര് വിതരണത്തിന് ടെന്ഡര് ക്ഷണിച്ചു. അവസാന തീയതി ഏപ്രില് 16 രാവിലെ 11 വരെ. ഫോണ് – 0469 2602494.
