കല്പ്പറ്റ: വയനാട് സിവില് സ്റ്റേഷനോട് ചേര്ന്നുള്ള സര്ക്കാര് കെട്ടിടം ഉദ്ഘാടനം കഴിഞ്ഞ് ഒരു വര്ഷം തികഞ്ഞപ്പോള് ചോര്ന്നൊലിക്കുന്നു. മൂന്നര കോടി രൂപ ചിലവഴിച്ച് നിര്മ്മിച്ച സര്ക്കാര് കെട്ടിടമാണ് ചോര്ന്നൊലിക്കുന്നത്. വയനാട് സിവില് സ്റ്റേഷനോട് ചേര്ന്നുള്ള ജില്ലാ പ്രിന്സിപ്പല് കൃഷി ഓഫീസാണ് മഴക്കാലത്തിന് മുമ്പേ ചോര്ന്നൊലിക്കുന്നത്.
2022 ജനുവരി 22-നാണ് വയനാട് ജില്ലാ പ്രിന്സിപ്പല് കൃഷി ഓഫീസിന്റെ പുതിയ ഓഫീസ് കെട്ടിടം മന്ത്രി ഉദ്ഘാടനം ചെയ്തത്. മൂന്നരക്കോടി രൂപ ചിലവില് പൊതുമരാമത്ത് വകുപ്പ് ആണ് കെട്ടിട നിര്മ്മാണം നടത്തിയത്. കഴിഞ്ഞ ദിവസം പെയ്ത മഴയില് വെള്ളം കുത്തിയൊലിച്ചതോടെ ജീവനക്കാര് ബക്കറ്റില് വെള്ളം ശേഖരിക്കുകയായിരുന്നു. കെട്ടിടത്തിന് നിലവാരം കുറഞ്ഞ മരം ഉപയോഗിച്ചതിനാല് ജനലുകളും വാതിലുകളും അടക്കാന് കഴിയില്ല. തുറന്ന് കിടക്കുന്ന ജനാലകള് കാറ്റില് ഇളകിയാടി ചില്ലുകള് തകര്ന്ന അവസ്ഥയിലാണ്.ഇത് സുരക്ഷാ ഭീഷണി ഉയര്ത്തുന്നുണ്ട്.