പത്തനംതിട്ട: പത്ത് വർഷത്തെ ഇരുണ്ട കാലഘട്ടത്തിൽ നിന്ന് സർക്കാർ ജീവനക്കാർക്ക് മോചനമായെന്ന് നിയുക്ത ആറന്മുള എം എൽ എ അബിൻ വർക്കി കോടിയാട്ട് പറഞ്ഞു. കേരള എൻ ജി ഒ അസോസിയേഷൻ 42-o കളക്ട്രേറ്റ് ബ്രാഞ്ച് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രതിനിധി സമ്മേളനം സംസ്ഥാന ഉപാദ്ധ്യക്ഷൻ പി എസ് വിനോദ് കുമാർ ഉദ്ഘാടനം ചെയ്തു. ബ്രാഞ്ച് പ്രസിഡന്റ് പിക്കു വി സൈമൺ അധ്യക്ഷത വഹിച്ചു. ജില്ല സെക്രട്ടറി ഷിബു മണ്ണടി മുഖ്യപ്രഭാഷണം നടത്തി.
സംസ്ഥാന കമ്മറ്റി അംഗങ്ങളായ അൻവർ ഹുസൈൻ, ബി.പ്രശാന്ത് കുമാർ, ബിജു സാമുവൽ, ജില്ലാ ട്രഷറർ ജി.ജയകുമാർ, ജില്ലാ ഭാരവാഹികളായ എസ് കെ സുനിൽ കുമാർ, അബു കോശി, നൗഫൽ ഖാൻ,വിഷ്ണു സലിം കുമാർ, ദിലീപ്ഖാൻ എ, ദർശൻ ഡി കുമാർ, അനിൽ കുമാർ ജി, ഡി.ഗീത, അനു അനിൽകുമാർ, സജീവ് റാവുത്തർ എന്നിവർ പ്രസംഗിച്ചു. പത്തനംതിട്ട കളക്ട്രേറ്റ് ബ്രാഞ്ച് പുതിയ ഭാരവാഹികളായി ഷെബിൻ വി ഷെയ്ക് (പ്രസിഡന്റ്), ജയപ്രസാദ് കെ ജി (സെക്രട്ടറി), ബിജു റ്റി കെ (ട്രഷറർ) എന്നിവരെ തെരഞ്ഞെടുത്തു.
