ഡൽഹി : എയര് ഇന്ത്യ ലേലത്തിനുള്ള അവസാന തീയതി നീട്ടി. ഏപ്രിൽ 30 വരെയാണ് കാലാവധി നീട്ടിയിരിക്കുന്നത്. എയര് ഇന്ത്യയുടെ 100 ശതമാനം ഓഹരികൾ വിൽക്കുന്നതിന്റെ ഭാഗമായി ജനുവരി 27 നാണ് സര്ക്കാര് വിജ്ഞാപനം പുറപ്പെടുവിച്ചത്.
മാര്ച്ച് 17 വരെയായിരുന്നു താത്പര്യ പത്രം ക്ഷണിക്കാനുളള അവസാന തിയതി. പിന്നീട് ഇത് മാര്ച്ച് 20 വരെ ഉയര്ത്തിയിരുന്നു. ഇതാണ് ഇപ്പോൾ ഏപ്രിൽ 30 വരെ ഉയര്ത്തി നൽകിയിരിക്കുന്നത്.
ഡിപ്പാര്ട്ട്മെൻറ് ഓഫ് ഇൻവെസ്റ്റ്മെൻറ് ആൻറ് പബ്ലിക് അസറ്റ് മാനേജ്മെൻറ് ആണ് ഇതു സംബന്ധിച്ച വിജ്ഞാപനം പുറപ്പെടുവിച്ചിരിക്കുന്നത്. എയര് ഇന്ത്യയിൽ കൂടുതൽ പേര് താത്പര്യം പ്രകടിപ്പിച്ചിട്ടുണ്ടെന്നും കൊവിഡ് 19-ന്റെ പശ്ചാത്തലത്തിലാണ് സമ്മതപത്രത്തിനായുള്ള തിയതി നീട്ടുന്നതെന്നും എയര് ഇന്ത്യ അറിയിച്ചു.