പത്തനംതിട്ട : ലക്ഷക്കണക്കിന് തീര്ത്ഥാടകരെത്തുന്ന ശബരിമലയോട് സര്ക്കാര് കാട്ടുന്ന അവഗണനയില് പ്രതിഷേധിച്ചും ഭക്തരുടെ ദുരിതങ്ങള് പരിഹരിച്ച് സുഗമമായ ദര്ശനം സാധ്യമാക്കണമെന്ന് ആവശ്യപ്പെട്ടും ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് വെള്ളിയാഴ്ച (15) രാവിലെ 10 മണി മുതല് പത്തനംതിട്ട കെ.എസ്.ആര്.ടി.സി കോര്ണറില് പ്രതിഷേധ സത്യാഗ്രഹം നടത്തുമെന്ന് ഡി.സി.സി ജനറല് സെക്രട്ടറി സാമുവല് കിഴക്കുപുറം പറഞ്ഞു. പ്രതിഷേധ സത്യാഗ്രഹം മുന് കെ.പി.സി.സി പ്രസിഡന്റ് ശ്രീ. വി.എം സുധീരന് ഉദ്ഘാടനം ചെയ്യും. ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് അദ്ധ്യക്ഷത വഹിക്കും.
കെ.പി.സി.സി രാഷ്ട്രീയകാര്യ സമിതി അംഗം പ്രൊഫ. പി.ജെ കുര്യന്, ആന്റോ ആന്റണി എം.പി, കെ.പി.സി.സി ജനറല് സെക്രട്ടറി അഡ്വ. പഴകുളം മധു, യൂത്ത് കോണ്ഗ്രസ് സംസ്ഥാന പ്രസിഡന്റ് രാഹുല് മാങ്കൂട്ടത്തില്, മുന് മന്ത്രി പന്തളം സുധാകരന്, മുന് ഡി.സി.സി പ്രസിഡന്റുമാരായ അഡ്വ. കെ. ശിവദാസന് നായര്, പി. മോഹന്രാജ്, മറ്റ് കെ.പി.സി.സി, ഡി.സി.സി പോഷക സംഘടന നേതാക്കള് എന്നിവര് പ്രസംഗിക്കും. ശബരിമലയില് എത്തുന്ന ഭക്തര്ക്ക് അടിയന്തരമായി സൗകര്യങ്ങള് ഒരുക്കിയില്ലെങ്കില് കൂടുതല് ശക്തമായ സമരപരിപാടികള്ക്ക് നേതൃത്വം നല്കുമെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
