രജിസ്ട്രേഷന് നടപടികള് പൂര്ത്തീകരിക്കണം
എംപ്ലോയ്മെന്റ് എക്സ്ചേഞ്ച് മുഖേനയുള്ള ഭിന്നശേഷി ഉദ്യോഗാര്ഥികളുടെ സ്ഥിരം/താല്ക്കാലിക നിയമനങ്ങള് പരിഗണിക്കുന്നതിനായി റാന്നി ടൗണ് എംപ്ലോയ്മെന്റ് എക്സ്ചേഞ്ചില് രജിസ്റ്റര് ചെയ്തിട്ടുള്ള ഭിന്നശേഷി സംവരണത്തിന് അര്ഹരായ ഭിന്നശേഷി വിഭാഗത്തില്പ്പെടുന്ന ഉദ്യോഗാര്ഥികള്ക്ക് രജിസ്ട്രേഷന് നടപടികള് പൂര്ത്തീകരിക്കുന്നതിന് അവസരം നല്കിയിരുന്നു. അവസരം പ്രയോജനപ്പെടുത്താന് സാധിക്കാതിരുന്ന ഉദ്യോഗാര്ഥികള് ഭിന്നശേഷി സംബന്ധിച്ച വിവരങ്ങളുടെ സ്ഥിരീകരണം ഉറപ്പാക്കുന്നതിലേക്കായി ഭിന്നശേഷി സര്ട്ടിഫിക്കറ്റ്, യുഡിഐഡി കാര്ഡ്, എംപ്ലോയ്മെന്റ് രജിസ്ട്രേഷന് കാര്ഡ്, വിദ്യാഭ്യാസ യോഗ്യത തെളിയിക്കുന്ന സര്ട്ടിഫിക്കറ്റുകള് എന്നിവയുടെ അസല് സഹിതം ഏപ്രില് 15ന് മുന്പായി ഓഫീസില് ഹാജരായി ബന്ധപ്പെട്ട സര്ട്ടിഫിക്കറ്റുകള് പരിശോധന വിധേയമാക്കി ഭിന്നശേഷി സംബന്ധിച്ച രജിസ്ട്രേഷന് നടപടികള് പൂര്ത്തീകരിക്കേണ്ടതാണ്.
പഞ്ചായത്ത് ഓഫീസ് തുറന്നു പ്രവര്ത്തിക്കും
സാമ്പത്തിക വര്ഷം അവസാനിക്കുന്നതുമായി ബന്ധപ്പെട്ട് തോട്ടപ്പുഴശേരി ഗ്രാമപഞ്ചായത്ത് ഓഫീസ് മാര്ച്ച് 31 വരെയുള്ള പൊതു അവധി ദിവസങ്ങളില് തുറന്നു പ്രവര്ത്തിക്കുമെന്നും വാര്ഷിക വസ്തു നികുതി, ലൈസന്സ്, മറ്റു നികുതി എന്നിവ അടയ്ക്കുന്നതിനുള്ള സൗകര്യവും ഉണ്ടായിരിക്കുമെന്നും സെക്രട്ടറി അറിയിച്ചു.
