ഗസ്റ്റ് ലക്ചറര് ഒഴിവ്
പന്തളം എന്എസ്എസ് പോളിടെക്നിക് കോളേജില് ഇംഗ്ലീഷ്, മാത്തമാറ്റിക്സ്, സിവില് എന്ജിനിയറിംഗ്, ഇലക്ട്രിക്കല് ആന്ഡ് ഇലക്ട്രോണിക്സ് എന്ജിനിയറിംഗ്, മെക്കാനിക്കല് എന്ജിനിയറിംഗ്, ഇലക്ട്രോണിക്സ് ആന്ഡ് കമ്മ്യൂണിക്കേഷന് എന്ജിനിയറിംഗ്, കമ്പ്യൂട്ടര് എന്ജിനിയറിംഗ് വിഷയങ്ങളില് ഗസ്റ്റ് ലക്ചററെ ആവശ്യമുണ്ട്. യോഗ്യത: ഇംഗ്ലീഷ്, മാത്തമാറ്റിക്സ്- ബിരുദാനന്തരബിരുദവും ഫസ്റ്റ് ക്ലാസും. എന്ജിനിയറിംഗ് വിഷയങ്ങള്- ബിടെക്കും ഫസ്റ്റ്ക്ലാസും. താല്പര്യമുള്ളവര് കോളേജുമായി ബന്ധപ്പെടണം. ഫോണ്: 04734-259634.
ഇ-ശ്രം രജിസ്ട്രേഷന്
സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയില് രജിസ്റ്റര് ചെയ്തിട്ടുള്ള എല്ലാ അംഗങ്ങളും അക്ഷയസെന്റര്/ ജനസേവന കേന്ദ്രം വഴി ഇ-ശ്രം രജിസ്ട്രേഷന് നടത്തണം. ഇതിന്റെ ഒരു പകര്പ്പ് ജൂലൈ 31 ന് അകം പത്തനംതിട്ട ഓഫീസില് എത്തിക്കണം. ഫോണ് – 0468-2220248.
ഇ-ശ്രം രജിസ്ട്രേഷന്
കേരള കള്ള് വ്യവസായ തൊഴിലാളി ക്ഷേമനിധി ബോര്ഡില് അംഗങ്ങളായുള്ള രജിസ്റ്റേര്ഡ് തൊഴിലാളികള് ഇ-ശ്രം പോര്ട്ടലില് അടിയന്തരമായി രജിസ്റ്റര് ചെയ്യണം. അവസാന തീയതി ജൂലൈ 31. ഫോണ്: 0469-2603074.
കോഴിക്കുഞ്ഞുങ്ങള്
പത്തനംതിട്ട ജില്ലാ വെറ്ററിനറി കേന്ദ്രം വഴി ജൂലൈ 30ന് രാവിലെ ഒന്പതിന് 45 ദിവസം പ്രായമുളള മുന്തിയ ഇനം കോഴിക്കുഞ്ഞുങ്ങളെ 120 രൂപ നിരക്കില് വിതരണം ചെയ്യും. ആവശ്യമുള്ള കര്ഷകര് നേരിട്ടു വാങ്ങണം.
