കൊച്ചി : ആത്മഹത്യ ചെയ്ത ആലുവയിലെ നിയമവിദ്യാര്ത്ഥിനി മൊഫിയ പര്വീണിന്റെ വീട് ഗവര്ണര് ആരിഫ് മുഹമ്മദ് ഖാന് സന്ദര്ശിക്കും. ഇന്ന് ഉച്ചയ്ക്ക് രണ്ടുമണിയോടെയാണ് ഗവര്ണര് വീട് സന്ദര്ശിക്കുക. അതേസമയം മൊഫിയയുടെ മരണത്തില് ആലുവ ഈസ്റ്റ് മുൻ സിഐ സുധീർ കുമാറിനെ വെട്ടിലാക്കുന്നതാണ് പോലീസ് എഫ്ഐആര്. സുധീര് മൊഫിയയോട് കയര്ത്ത് സംസാരിച്ചെന്നും ഇനിയൊരിക്കലും നീതി കിട്ടില്ലെന്ന മനോവിഷമത്തില് മൊഫിയ ജീവനൊടുക്കിയെന്നുമാണ് എഫ്ഐആറില് പറയുന്നത്. മൊഫിയയുടെ ബന്ധുവിന്റെ മൊഴിയുടെ അടിസ്ഥാനത്തിലാണ് സുധീറിന്റെ പേരും എഫ്ഐആറില് രജിസ്റ്റര് ചെയ്തിരിക്കുന്നത്.
