തിരുവനന്തപുരം : കൊവിഡ് മൂലം കഴിഞ്ഞ രണ്ടുവര്ഷങ്ങളായി നല്കാതെ മാറ്റിവെച്ച സര്ക്കാര് ജീവനക്കാരുടേയും അദ്ധ്യാപകരുടേയും ലീവ് സറണ്ടര് ആനുകൂല്യം ജൂലായ് ഒന്നുവരെ അനുവദിക്കേണ്ടതില്ലെന്ന് സര്ക്കാര് തീരുമാനിച്ചു. ഇതുസംബന്ധിച്ച് ധനകാര്യവകുപ്പ് സെക്രട്ടറി ഇന്നലെ ഉത്തരവും പുറത്തിറക്കി. നിലവില് സാമ്പത്തികവര്ഷം പൂര്ത്തിയാകുന്ന മാര്ച്ച് 31 വരെ ഇത് നല്കാതെ മാറ്റിവെയ്ക്കാന് ഉത്തരവുണ്ടായിരുന്നു. ലാസ്റ്റ് ഗ്രേഡ് ജീവനക്കാര്ക്കും പാര്ട്ട് ടൈം കണ്ടിജന്റ്സ് ജീവനക്കാര്ക്കും ഉത്തരവ് ബാധകമല്ല.
