തിരുവനന്തപുരം: സര്ക്കാര് വാഹനങ്ങളില് ഒട്ടിച്ചിരിക്കുന്ന ഫിലിമും കര്ട്ടനുകളും ഉടന് നീക്കം ചെയ്യണമെന്ന് സര്ക്കുലര് പുറത്തിറക്കി ആഭ്യന്തര സെക്രട്ടറി. ഇസഡ്, ഇസഡ് പ്ളസ് സുരക്ഷയുളളവര്ക്ക് മാത്രമേ ഇവ ഉപയോഗിക്കാവൂവെന്നും സര്ക്കുലറില് പറയുന്നു.
ഡിസംബര് 14ന് ഇതേ കാര്യം ഉന്നയിച്ച് ഡിജിപി ലോക്നാഥ് ബെഹ്റ ഉത്തരവിട്ടിരുന്നു. കര്ട്ടനും ഫിലിമും മാറ്റണമെന്നത് കോടതി ഉത്തരവാണെന്നും കോടതിയുടെ നിര്ദ്ദേശം പൊലീസ് ഉദ്യോഗസ്ഥര് അനുസരിച്ചില്ലെങ്കില് ജനങ്ങളും നിയമം അനുസരിക്കില്ലെന്ന് ഡിജിപിയുടെ ഉത്തരവില് പറഞ്ഞിരുന്നു. വിന്ഡോ കര്ട്ടനോ കറുത്ത ഫിലിമോ പാടില്ലെന്നാണ് കോടതി നിര്ദ്ദേശം.
