റാന്നി : പഴവങ്ങാടി ഗ്രാമ പഞ്ചായത്ത് രണ്ടാം വാർഡിലെ ഗ്രാമസഭ കോറം തികയാത്തതു കൊണ്ട് മാറ്റിവെച്ചു. ഇന്ന് ഉച്ചകഴിഞ്ഞ് മൂന്ന് മണിക്ക് നടന്ന ഗ്രാമസഭയില്‍ ആളുകളെത്താതായതോടെ നാട്ടുകാര്‍ കോറം തികയാതെ ഗ്രാമസഭാ നടത്തണ്ടെന്ന് ആവിശ്യപ്പെടുകയായിരുന്നു. എന്നാൽ സ്ഥലത്തുണ്ടായിരുന്ന പഞ്ചായത്ത് പ്രസിഡൻ്റ് കോവിഡ് കാലയളവിൽ കോറം വേണ്ടായെന്നും അതിനാല്‍ യോഗം തുടരണമെന്നും ആവശ്യപ്പെടുകയായിരുന്നു.
തുടർന്ന് വാർഡിലെ അംഗങ്ങൾ ഡെപ്യൂട്ടി ഡയറക്ടറേയും പഞ്ചായത്ത് സെക്രട്ടറിയെയും വിവരം അറിയിക്കുകയും കോറം തികഞ്ഞിട്ട് ഗ്രാമസഭ നടത്തിയാല്‍ മതിയെന്ന് നിര്‍ദ്ദേശിക്കുകയുമായിയുന്നു. തുടർന്ന് ഗ്രാമസഭ കൂടാതെ യോഗം പിരിച്ച് വിടുകയായിരുന്നു. കോണ്‍ഗ്രസ് അംഗത്തിന്‍റെ വാര്‍ഡില്‍ കോറമില്ലെന്ന പരാതിയുമായി എത്തിയതും കോണ്‍ഗ്രസ് അംഗമാണെന്നും സംഭവം ഗ്രൂപ്പിന്‍റെ ഭാഗമാണെന്നും ഗ്രാമസഭയ്ക്കെത്തിയ ചിലര്‍ ആക്ഷേപിച്ചു.
