തിരുവനന്തപുരം : സാബു എം ജേക്കബിനെ പരിഹസിച്ച് സാമൂഹിക മാധ്യമത്തില് പോസ്റ്റിട്ട പി വി ശ്രീനിജിന് എംഎല്എ തള്ളി മന്ത്രി പി രാജീവ്. ആരെങ്കിലും എന്തെങ്കിലും പറയുന്നതല്ല പാര്ട്ടി നിലപാട്. ട്വന്റി ട്വന്റിയുടെ ഉള്പ്പെടെ വോട്ടുകള് എല്ഡിഎഫിന് ലഭിക്കുമെന്ന് പി രാജീവ് പറഞ്ഞു. കെ റെയില് സംബന്ധിച്ച് വ്യക്തത വരുത്തേണ്ടത് പ്രതിപക്ഷമാണ്. പദ്ധതി വേണ്ടെന്ന് പറഞ്ഞ പ്രതിപക്ഷം ജിപിഎസ് സര്വേ ആകാമെന്ന് പറയുന്നു. പ്രതിപക്ഷം സമീപനം മാറ്റിയെങ്കില് നല്ലതെന്നും മന്ത്രി പറഞ്ഞു.
ചര്ച്ചയായതോടെ പി വി ശ്രീനിജിന് എംഎല്എ പോസ്റ്റ് പിന്വലിച്ചു. ട്വന്റി ട്വന്റിയോട് വോട്ട് ചോദിക്കും മുമ്പ് ട്വന്റി-20ക്കെതിരെ നടത്തിയ അക്രമങ്ങളില് പി വി ശ്രീനിജിന് എംഎല്എ മാപ്പ് പറയണമെന്ന് സാബു എം.ജേക്കബ് നേരത്തെ ആവശ്യപ്പെട്ടിരുന്നു. ഇതിനെ പരിഹസിച്ചുകൊണ്ടാണ് പി വി ശ്രീനിജിന് എംഎല്എ ഫേസ്ബുക്ക് പോസ്റ്റിട്ടത്. ആരുടെ കൈയിലെങ്കിലും കുന്നംകുളം മാപ്പ് ഉണ്ടെങ്കില് തരണേ ഒരാള്ക്ക് കൊടുക്കാനാണ് എന്നായിരുന്നു പി വി ശ്രീനിജിന്റെ പരിഹാസം.