കോന്നി : ഗ്രീൻ ഫീൽഡ് പാതക്ക് പാരിസ്ഥിതിക അനുമതി ലഭിച്ചു. മധ്യ കേരളത്തിലെ ജില്ലകളെ തലസ്ഥാനവുമായി ബന്ധിപ്പിക്കുന്ന ആറുവരി പാതയാണ് ഗ്രീൻ ഫീൽഡ് ദേശീയ പാത. തിരുവനന്തപുരം പുളിമാത്ത് നിന്ന് ആരംഭിച്ച് അങ്കമാലിയിൽ എത്തുന്ന പാതക്ക് 257 കിലോമീറ്റർ ആണ് നീളം. പുളിമാത്ത്, നെടുമങ്ങാട്, കൊട്ടാരക്കര, പുനലൂർ, പത്തനാപുരം, കോന്നി, റാന്നി താലൂക്ക് വഴിയാണ് പാത കോട്ടയം ജില്ലയിൽ പ്രവേശിക്കുന്നത്.
പത്തനാപുരം ഭാഗത്ത് നിന്നും നിലവിലെ പുനലൂർ മൂവാറ്റുപുഴ സംസ്ഥാന പാതയിലൂടെ വകയാർ കൊല്ലൻപടിക്ക് സമീപം എത്തിചേരും. തുടർന്ന് അരുവാപ്പുലം വില്ലേജിലെ എള്ളാംകാവ് ക്ഷേത്രത്തിന് സമീപത്ത് കൂടി പരുത്തി, മാളാപാറ, മുളന്തറ, മാവനാൽ, ആനകുത്തി, സി എഫ് ആർ ഡി മെഡിക്കൽ കോളേജ് എന്നിവയുടെ സമീപത്ത് കൂടി പയ്യനാമൺ തവളപ്പാറ വഴി പയ്യനാമണ്ണിലെ പഴയ പോസ്റ്റ് ഓഫീസിന് സമീപം എത്തും.
കൊന്നപ്പാറ, ചെമ്മാനി എസ്റ്റേറ്റ്, ചെങ്ങറ ചിറതിട്ട ജംഗ്ഷൻ ഹാരിസൺ മലയാളം പ്ലാന്റേഷൻ കുമ്പഴ തോട്ടം, പുതുക്കുളം, തലച്ചിറ വഴി വടശേരികരയിലും പമ്പ നദി കടന്ന് ചെറുകുളഞ്ഞി വഴി റാന്നിയിലേക്കും റോഡ് പോകും. തുടർന്ന് മന്ദമരുതി വഴി മക്കപ്പുഴ, എരുമേലി വഴി കോട്ടയം ഭാഗത്തേക്ക് കടക്കും ജനവാസ മേഖലയും ടൗണുകളും വന ഭൂമികളും പരമാവധി ഒഴിവാക്കി ആകും നിർമ്മാണം. കോന്നി നഗരത്തെയും നിർമ്മാണം ബാധിക്കില്ല. വയലുകളിലൂടെയും റബ്ബർ തോട്ടങ്ങളിൽ കൂടിയും ആയിരിക്കും റോഡ് കടന്ന് പോവുക. സംസ്ഥാന സർക്കാരാണ് പാതക്ക് ആവശ്യമായ ഭൂമി ഏറ്റെടുക്കുന്നത്.
പ്ലാച്ചേരി, പൊന്തൻപുഴ ഭാഗത്ത് വന ഭൂമിയുടെ സർവേയും ആരംഭിച്ചിട്ടുണ്ട്. മാത്രമല്ല എം സി റോഡിനു സമാന്തരമായാണ് ആറ് ജില്ലയിൽ കൂടിയും റോഡ് കടന്ന് പോകുന്നത്. പാത വാഴക്കുളത്ത് നിർദിഷ്ട കൊച്ചി – തേനി ഗ്രീൻ ഫീൽഡ് പാതയുമായി കൂട്ടിമുട്ടുകയും ചെയ്യും. കൊച്ചി ഗിഫ്റ്റ് സിറ്റിയുടെ മൂന്ന് കിലോമീറ്റർ അകലെ കൂടിയാണ് പുതിയ പാതയുടെ അലൈൻമെന്റ്.
അലൈൻമെന്റ് കേന്ദ്രം നേരത്തെ അംഗീകരിച്ചിരുന്നു. തുടർന്ന് എൻ എച്ച് എ ഐ കോട്ടയം ആസ്ഥാനമായി പ്രൊജക്റ്റ്‌ ഡയറക്ടറെ നിയമിച്ചു. പരിസ്ഥിതി അനുമതി ലഭിച്ചതിനാൽ തുടർ പ്രവർത്തനങ്ങൾ വേഗത്തിൽ ആക്കാനുള്ള നീക്കത്തിൽ ആണ് എൻ എച്ച് എ ഐ. എറണാകുളം ജില്ലയിലെ കുന്നത്തുനാട്, മൂവാറ്റുപുഴ, കോതമംഗലം താലൂക്കുകളിൽ ഭൂമി ഏറ്റെടുക്കുവാൻ ഉള്ള നടപടികൾ ആരംഭിച്ചു. അടുത്ത വർഷം ആദ്യം നിർമ്മാണം ആരംഭിക്കാൻ ആണ് ലക്ഷ്യം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
