വെച്ചൂച്ചിറ : വോട്ടു ചെയ്യാനെത്തിയ വോട്ടര്‍മാരെ സ്വീകരിക്കാന്‍ കുട്ടിക്കൂട്ടം എത്തിയത് വ്യത്യസ്ത അനുഭവമായി. എണ്ണൂറാംവയൽ സി എം എസ് എൽ പി സ്കൂളിലെ 17-ാം നമ്പർ ബൂത്തിലാണ് ജനാധിപത്യ പ്രക്രിയയ്ക്ക് കൈത്താങ്ങുമായി കുട്ടിക്കൂട്ടം അണി നിരന്നത്. ബൂത്തിലെത്തിയ വോട്ടർമാരെ പൂക്കൾ നൽകി സ്വീകരിക്കുകയും ആവശ്യമായ സഹായങ്ങൾ നൽകി വോട്ടെടുപ്പ് സുഗമമാക്കാൻ വേണ്ട ക്രമീകരണങ്ങൾ ഒരുക്കുകയും ചെയ്തത്. വോട്ട് ചെയ്തു മടങ്ങുന്ന വോട്ടർമാർക്ക് ഭാരതത്തിന്റെ മഹത്തായ ജനാധിപത്യ പ്രക്രിയയിൽ പങ്കാളിയായതിന് നന്ദി അർപ്പിച്ചു കൊണ്ടുള്ള കാർഡും ലഡ്ഡുവും വിതരണം ചെയ്താണ് മടക്കി അയച്ചത്. വെച്ചൂച്ചിറ പഞ്ചായത്തിലെ മാതൃകാ ബൂത്തിലാണ് എണ്ണൂറാംവയൽ സി എം എസ് സ്കൂളിലെ വിദ്യാർത്ഥികളുടെ നേതൃത്വത്തിൽ വോട്ടർമാരെ വരവേറ്റത്. സി എം എസ് സ്കൂളിലെ പാർലമെന്റ് ഭാരവാഹികളായ ആർദ്ര സുനിൽകുമാർ, അഞ്ജന ബാബു, അപർണ രാജേഷ്, ക്രിസ്റ്റീന ആർ മാത്യു, ദയാനന്ദ് വിനോദ്, കാർത്തിക സുഭാഷ്, ഇവാ ആലീസ് സിബി, മുഹമ്മദ്‌ മുസ്തഫ എന്നിവർ നേതൃത്വം നൽകി.
ബൂത്തിൽ കുടി വെള്ളം, മധുര പലഹാരങ്ങൾ, ശീതള പാനീയം എന്നിവയും ക്രമീകരിച്ചിരുന്നു. മുതിർന്ന പൗരന്മാർ രോഗികളായവർ എന്നിവർക്ക് വോട്ടെടുപ്പ് കേന്ദ്രത്തിനു സമീപം പ്രത്യേകം ഇരിപ്പിടങ്ങൾ ക്രമീകരിച്ചിരുന്നു. കൈക്കുഞ്ഞുങ്ങളുമായി എത്തുന്ന അമ്മമാർക്ക് മുലയൂട്ടാൻ ഫീഡിങ് റൂം, വയോധികർക്കും ഭിന്ന ശേഷിക്കാർക്കും വീൽ ചെയർ, ഡോക്ടറുടെ സേവനം എന്നിവയും ഒരുക്കിയിട്ടുണ്ട്. വോട്ട് ചെയ്യാൻ എത്തുന്നവർക്ക് പരമാവധി സൗകര്യങ്ങൾ ഒരുക്കി വോട്ടെടുപ്പ് പരമാവധി സൗഹൃദമാക്കുക എന്നതാണ് ഇതിലൂടെ ഉദ്ദേശിച്ചത്. ജനാധിപത്യ പ്രക്രിയയെക്കുറിച്ച് കുട്ടികളെ ബോധവൽക്കരിക്കുന്നതിനും തെരഞ്ഞെടുപ്പു പ്രക്രിയ മനസ്സിലാക്കുന്നതിനുള്ള അവസരം ഒരുക്കുക എന്നത് കൂടി ലക്ഷ്യമിട്ടാണ് വോട്ടെടുപ്പ് കേന്ദ്രത്തിൽ കുട്ടികളെ പങ്കാളികളാക്കിയത്.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
