ന്യൂഡല്ഹി: ജി.എസ്.ടി വിവാദത്തില് പാര്ലമെന്റില് പ്രതിരോധവുമായി ധനമന്ത്രി നിര്മ്മല സീതാരാമന്. ബാങ്ക് അക്കൗണ്ടുകളില് നിന്ന് പണം പിന്വലിക്കുമ്ബോള് ചെക്ക് ബുക്കുകള്ക്ക് ജിഎസ്ടി ഈടാക്കുന്നില്ല. ശ്മശാനത്തിനും ആശുപത്രി കിടക്കകള്ക്കും ജിഎസ്ടി ഉണ്ടാകില്ലെന്നും മന്ത്രി കൂട്ടിച്ചേര്ത്തു.
പ്രിന്റിംഗ് സ്ഥാപനങ്ങളില് നിന്ന് ബാങ്കുകള് ചെക്ക് ബുക്കുകള് വാങ്ങുമ്ബോള് മാത്രമേ ജിഎസ്ടി ഈടാക്കൂ. ഇത് ഉപഭോക്താക്കളെ ബാധിക്കില്ല. പുതിയ ശ്മശാനങ്ങള് നിര്മ്മിക്കുമ്പോള് ജി.എസ്.ടി ചുമത്തും. 5,000 രൂപയ്ക്ക് മുകളില് ദിവസവാടകയുള്ള ആശുപത്രി മുറികള്ക്ക് മാത്രമായിരിക്കും ജിഎസ്ടി ഈടാക്കുക. ആശുപത്രി കിടക്കകള്ക്ക് ഇത് ബാധകമല്ല.
