മാഞ്ചസ്റ്റർ : ഇംഗ്ലീഷ് പ്രീമിയർ ലീഗിലെ ലീഗ് മാനേജേഴ്സ് അസോസിയേഷന്റെ ഏറ്റവും മികച്ച പരിശീലകനുള്ള പുരസ്കാരം പെപ് ഗാർഡിയോളയ്ക്ക്. മാഞ്ചസ്റ്റർ സിറ്റിയെ കിരീടത്തിലേക്ക് നയിച്ചതിന് പിന്നാലെയാണ് ഗാർഡിയോള മാനേജർ ഓഫ് ദ ഇയറായി തെരഞ്ഞെടുക്കപ്പെട്ടത്.
ലീഡ്സ് യുണൈറ്റഡിന്റെ മാർസലോ ബിയൽസയെ മറികടന്നാണ് ഗാർഡിയോളയുടെ നേട്ടം. രണ്ടാം തവണയാണ് സ്പാനിഷ് കോച്ച് ഈ പുരസ്കാരം നേടുന്നത്. ലീഗ് മാനേജേഴ്സ് അസോസിയേഷന് പുരസ്കാരം രണ്ടാം തവണയും നേടാന് കഴിഞ്ഞതില് സന്തോഷമുണ്ടെന്നും പുരസ്കാരം സഹപരിശീലകര്ക്കും സ്റ്റാഫിനും സമര്പ്പിക്കുന്നതായും ഗാർഡിയോള പറഞ്ഞു. നേരിട്ട ഏറ്റവും പ്രതിസന്ധി നിറഞ്ഞ സീസണായിട്ടും താരങ്ങളുടെ സമർപ്പണവും പ്രൊഫഷണലിസവും കൈമോശം വന്നില്ലെന്നും അദേഹം പറഞ്ഞു.
