കൊച്ചി: അന്യസംസ്ഥാന തൊഴിലാളികളെ നാടുകളിലേക്ക് എത്തിക്കാന് സംസ്ഥാനത്ത് നിന്ന് ഇന്ന് രണ്ടു ട്രെയിനുകള് കൂടി പുറപ്പെടും. എറണാകുളം സൗത്തില് നിന്ന് ഭുവനേശ്വറിലേക്കും ആലുവയില് നിന്ന് പാട്നയിലേക്കുമാണ് ട്രെയിനുകള് പുറപ്പെടുന്നത്. ഓരോ ട്രെയിനിലും 1200 പേര് വരെയാണ് ഉണ്ടാവുക. സ്ത്രീകള്ക്കും കുട്ടികള്ക്കും മുന്ഗണന നല്കും.
കേരളത്തില് നിന്നും അന്യസംസ്ഥാന തൊഴിലാളികളെയും കൊണ്ട് ആദ്യത്തെ ട്രെയിന് വെള്ളിയാഴ്ച വൈകുന്നേരം ഭുവനേശ്വറിലേക്ക് പുറപ്പെട്ടിരുന്നു. ആലുവയില് നിന്നായിരുന്നു ആദ്യത്തെ ട്രെയിന്. ജില്ലാ ഭരണകൂടം നല്കുന്ന പട്ടികയില് നിന്ന് തെരഞ്ഞെടുക്കുന്ന 1200 പേര്ക്കാണ് യാത്ര ചെയ്യാന് അനുമതിയുള്ളത്. ഓരോ ബോഗിയിലും 50 പേര് വീതമാണ് ഉണ്ടാവുക. റെയില്വേ സ്റ്റേഷനില് വെച്ച് വൈദ്യ പരിശോധന നടത്തിയ ശേഷമാവും തൊഴിലാളികളെ പറഞ്ഞയക്കുക.
അന്യസംസ്ഥാന തൊഴിലാളികള്ക്ക് ടിക്കറ്റ് ബുക്കിംഗ് ഉണ്ടായിരിക്കില്ലെന്ന് ദക്ഷിണ റെയില്വേ തിരുവനന്തപുരം ഡിവിഷന് അറിയിച്ചിരുന്നു. അതേസമയം തൊഴിലാളികള്ക്ക് ട്രെയിനില് നിന്നും ഇടയില് ഇറങ്ങാന് അവസരമുണ്ടാകില്ല. സി.ആര്.പി.എഫും പോലീസും ട്രെയിനില് ഉണ്ടാകും. തൊഴിലാളികള്ക്ക് ആവശ്യമായ ഭക്ഷണവും വെള്ളവും ട്രെയിനിലുണ്ടാകും.
The post അന്യസംസ്ഥാന തൊഴിലാളികളുമായി കേരളത്തില്നിന്ന് ഇന്ന് രണ്ടു ട്രെയിനുകള് കൂടി appeared first on Pathanamthitta Media.
