തിരുവനന്തപുരം : ഗുലാബ് ചുഴലിക്കാറ്റ് ഇന്ന് വൈകിട്ടോടെ ഗോപാല്പൂരിനും വിശാഖ പട്ടണത്തിനുമിടയില് തീരം തൊടും. ഒഡീഷയുടെ തെക്കന് ജില്ലകളിലും ആന്ധ്രയുടെ വടക്കന് മേഖലയിലും ജാഗ്രതാ നിര്ദേശം നല്കി. നൂറ് കണക്കിന് കുടുംബങ്ങളെ മാറ്റിപാര്പ്പിച്ചു. ഒഡീഷയില് മാത്രം ദേശീയ ദുരന്തനിവാരണ സേനയുടെ 13 സംഘങ്ങളെ വിന്യസിച്ചു. കോസ്റ്റുഗാര്ഡിന്റെ പതനിന്ഞ്ചിലധികം ബോട്ടുകള് തീരമേഖലയില് സജ്ജീകരിച്ചിട്ടുണ്ട്. ഒഡീഷയുടെ തെക്കന് ജില്ലകളിലാണ് കൂടുതല് നാശനഷ്ടങ്ങള്ക്ക് സാധ്യത.
ആന്ധ്രയുടെ വടക്കന് ജില്ലകളില് യെല്ലോ അലേര്ട്ട് പ്രഖ്യാപിച്ചു. തീരമേഖലയില് നിന്ന് പരമാവധി ആളുകളെ മാറ്റിപാര്പ്പിച്ചു. 65 മുതല് 85 കിലോമീറ്റര് വരെ വേഗത്തില് കാറ്റ് വീശാനാണ് സാധ്യത. ചുഴലിക്കാറ്റിന്റെ പശ്ചാത്തലത്തില് കേരളത്തില് സെപ്റ്റംബര് 28 വരെ മഴ സജീവമാകാന് സാധ്യതയുണ്ടെന്നാണ് മുന്നറിയിപ്പ്. മധ്യ തെക്കന് ജില്ലകളിലാണ് കൂടുതല് മഴയ്ക്ക് സാധ്യത. എട്ട് ജില്ലകളില് ഇന്ന് യെല്ലോ അലര്ട്ടാണ്.
