കോഴിക്കോട്: വ്യാപാര സ്ഥാപനത്തില് ഗുണ്ടാ ആക്രമണം നടക്കുന്ന വിവരം പോലീസില് അറിയിച്ചിട്ടും ഫലമുണ്ടായില്ല. ഇന്നലെ വൈകിട്ടാണ് ജാഫര് ഖാന് കോളനിയിലെ ഇവന്സ എംപോറിയ എന്ന വ്യാപാര സ്ഥാപനത്തില് പണം ചോദിച്ചെത്തിയ ഗുണ്ടാസംഘം ഭീകരാന്തരീക്ഷം സൃഷ്ടിക്കുകയും ഉടമയെ ആക്രമിക്കുകയും ചെയ്തത്. വ്യപാര സ്ഥാപനത്തിന്റെ ഉടമ ഷഹിദിന് മുഖത്ത് പരിക്കേറ്റു. വിവരം അറിയിച്ചിട്ടും നടക്കാവ് പോലീസ് എത്തിയില്ലെന്ന് സ്ഥാപന ഉടമ പറയുന്നു.
നഗരഹൃദയത്തിലെ ജാഫര് ഖാന് കോളനിയിലെ വ്യപാര സ്ഥാപനത്തില് ഇന്നലെ വൈകിട്ട് ആറര മണിക്കാണ് ആക്രമണം നടന്നത്. കോവിഡ് ഉപകരണങ്ങള് വില്ക്കുന്ന ഇവന്സ എംപോറിയ എന്ന സ്ഥാപനത്തിലാണ് പണം ചോദിച്ച് ആക്രമികളെത്തിയത്. പോണ്ടിച്ചേരി രജിസ്ട്രേഷനില് ഉള്ള വാഹനത്തില് ആണ് അക്രമികള് എത്തിയത്.
