തിരുവല്ല : ഗുരുവിചാര ജ്ഞാനയജ്ഞത്തിന്റെ പതിനൊന്നാം വേദി പ്രൗഡഗംഭീരമായി. എസ്.എൻ.ഡി.പി.യോഗം 1531 മഠത്തുംഭാഗം ശാഖയിൽ ശാഖ പ്രസിഡന്റ് കെ.ആർ മോഹനന്റെ അദ്ധ്യക്ഷതയിൽ കൂടിയ യോഗം യൂണിയൻ അഡ്മിനിസ്ട്രേറ്റർ സന്തോഷ് ശാന്തി ഉദ്ഘാടനം ചെയ്തു. യൂണിയൻ യൂത്ത്മൂവ്മെന്റ് കൺവീനർ അനീഷ് ആനന്ദ് ജ്ഞാനയജ്ഞ സന്ദേശവും സൈബർസേന കേന്ദ്രസമിതി ജോയിന്റ് കൺവീനർ ശരത് ശശി സംഘടന സന്ദേശവും നൽകി.
വൈദികയോഗം കേന്ദ്രസമിതി ജോ.കൺവീനർ ഷാജി ശാന്തി, ശാഖാ വൈസ് പ്രസിഡന്റ് സുരേഷ് കെ.ആർ, യൂണിയൻ പോഷകസംഘടന ഭാരവാഹികളായ ധീരജ് പി.ദേവരാജൻ, ദിപിൻ ദിവാകരൻ , ഹരിലാൽ കാവിലേത്ത്, ശാഖ വനിതാസംഘം പ്രസിഡന്റ് സവിത സജി എന്നിവർ സംസാരിച്ചു. ശാഖ സെക്രട്ടറി ദീപ അനീഷ് സ്വാഗതവും യൂണിയൻ സൈബർസേന കൺവീനർ ബിബിൻ ബിനു കൃതജ്ഞതയും പറഞ്ഞു. ഗുരുവിചാര ജ്ഞാനയജ്ഞം സംഘടിപ്പിക്കുന്ന ശാഖകളിൽ നൽകിവരുന്ന ദൈവദശകം ആലേഖനം ചെയ്ത ഫലകവും ശാഖാ ഭാരവാഹികൾ ഏറ്റുവാങ്ങി.
