ഗ്വാളിയോര്‍: മധ്യപ്രദേശില്‍ ബസും ഓട്ടോയും കൂട്ടിയിടിച്ചുണ്ടായ അപകടത്തില് 13 പേര്‍ മരിച്ചു. ഗ്വാളിയോര്‍ ജില്ലയില്‍ ഇന്ന് രാവിലെ എഴിനാണ് അപകടമുണ്ടായത്. മൊറേനയിലേക്ക് പോകുകയായിരുന്ന ബസാണ് ഓട്ടോയില്‍ ഇടിച്ചത്. പുരാനി ചഹവാനി പ്രദേശത്താണ് അപകടം സംഭവിച്ചത്. 13 യാത്രക്കാരില്‍ പത്ത് പേര്‍ സംഭവ സ്ഥലത്ത് തന്നെ മരിച്ചു. മരിച്ചവരില്‍ പത്ത് സ്ത്രീകളും ഓട്ടോ ഡ്രൈവറും ഉള്‍പ്പെടുന്നു. അപകടത്തില് നിരവധി പേര്‍ക്ക് പരിക്കേറ്റിട്ടുണ്ട്.
