ആലപ്പുഴ : ആലപ്പുഴയില്‍ കൊലവിളി മുദ്രാവാക്യവുമായി സിപിഎം. “കൈയും വെട്ടും കാലും വെട്ടും തലവെട്ടി ചെങ്കൊടി നാട്ടും’ എന്നായിരുന്നു മുദ്രാവാക്യം. എകെജി സെന്‍ററിന് നേരെ ആക്രമണമുണ്ടായതിന് പിന്നാലെ എച്ച്. സലാം എംഎല്‍എയുടെ നേതൃത്വത്തിലായിരുന്നു അമ്പലപ്പുഴയില്‍ പ്രതിഷേധ പ്രകടനം സംഘടിപ്പിച്ചത്. അതേസമയം കോഴിക്കോട്ടും കൊലവിളി പ്രസംഗം നടന്നു. മുന്‍ കൗണ്‍സിലറും കോഴിക്കോട് ഏരിയ കമ്മിറ്റി അംഗവുമായ അഡ്വ.ഒ.എം ഭരദ്വാജാണ് ഭീഷണിയുമായി രംഗത്തെത്തിയത്.
“ഞങ്ങളും എറിഞ്ഞിട്ടുണ്ട്, ഇതുപോലെ മതിലില്‍ അല്ല, ലക്ഷ്യസ്ഥാനത്ത് എറിഞ്ഞ് അവസാനിപ്പിച്ചിട്ടുണ്ട്. ഞങ്ങള്‍ ചെയ്താല്‍ ഇതുപോലെ പിപ്പിടി കാട്ടല്‍ ആവില്ല. എല്ലാവരെയും വെള്ള പുതപ്പിച്ച്‌ കിടത്താന്‍ ഈ കേഡര്‍ പ്രസ്ഥാനത്തിന് അറിയാം. സതീശനും സുധാകരനും ഓര്‍ത്തു കളിച്ചാല്‍ മതി’യെന്ന് അദ്ദേഹം പ്രസംഗിച്ചു.
