ഡല്ഹി: ഗുസ്തി താരങ്ങള് ബ്രിജ്ഭൂഷണെതിരെ പോലീസില് നല്കിയ എട്ട് പരാതികളില് രണ്ട് എഫ്.ഐ.ആറുകള് രജിസ്റ്റര് ചെയ്തു. പീഡനശ്രമം ഉള്പ്പടെ നിരവധി വകുപ്പുകളാണ് ബ്രിജ്ഭൂഷണ് എതിരെ ചുമത്തിയിരിക്കുന്നത്. ഇന്ത്യന് ശിക്ഷാ നിയമത്തിലെ 354ാം വകുപ്പിലെ വിവിധ ഉപ വകുപ്പുകളാണ് ഡല്ഹി കൊണാട്ട്പ്ലേസ് പോലീസ് രജിസ്റ്റര് ചെയ്ത എഫ്ഐആറില് ചുമത്തിയിരിക്കുന്നത്. സ്ത്രീത്വത്തെ അപമാനിക്കല്, പീഡന ശ്രമം, ഭീഷണിപ്പെടുത്തല് ഉള്പ്പടെയുള്ള കുറ്റങ്ങള് ബ്രിജ്ഭൂഷണ് ചെയ്തതായാണ് എഫ്ഐആറിലെ വെളിപ്പെടുത്തല്. പരിശീലനത്തിനിടെ പരിക്ക് പറ്റിയത് ചികിത്സിക്കാന് ഫെഡറേഷന് മുടക്കിയ പണത്തിന് പകരമായി ബ്രിജ്ഭൂഷണ് ശാരീരിക ബന്ധത്തിന് നിര്ബന്ധിച്ചതായി താരങ്ങള് ല്കിയ പരാതിയിലുണ്ട്.
ശ്വാസപരിശോധനയുടെ പേരില് വനിതാ താരങ്ങളുടെ ടി ഷര്ട്ട് മാറ്റി ശരീരത്തില് അപമര്യാദയോടെ തൊട്ടു, ലൈംഗിക ദ്ദേശ്യത്തോടെ ശരീരത്തില് തടവി, സ്വകാര്യവിവരങ്ങള് തിരക്കി, ടൂര്ണമെന്റിനിടെ സംഭവിച്ച പരുക്കുകള്ക്കു റെസ്ലിങ് ഫെഡറേഷന് ചികിത്സ നല്കുന്നതിനു പ്രത്യുപകരമായി ലൈംഗികാവശ്യങ്ങള് ഉന്നയിച്ചു തുടങ്ങിയ ആരോപണങ്ങളാണ് ബിജ് ഭൂഷണെതിരെ എഫ്ഐആറില് ഉള്ളത്.