ചെങ്ങന്നൂര്: ഖരമാലിന്യ സംസ്കരണ പ്രവര്ത്തനങ്ങള് ഊര്ജ്ജിതപ്പെടുത്തുന്നതിന്റെ ഭാഗമായി ഹരിതമിത്രം എന്ന മൊബൈല് ആപ്ലിക്കേഷന് കെല്ട്രോണിന്റെ സഹകരണത്തോടെ സംസ്ഥാനത്തെ മുഴുവന് തദ്ദേശ സ്വയംഭരണ സ്ഥാപനങ്ങളിലും പ്രവര്ത്തനം ആരംഭിക്കുകയാണ്. ചെങ്ങന്നൂര് നഗരസഭയില് ആപ്ലിക്കേഷന്റെ ഉദ്ഘാടനവും ക്യു ആര് കോഡിന്റെ സ്ഥാപനവും നഗരസഭ ചെയര്പേഴ്സണ് മറിയാമ്മ ജോണ് ഫിലിപ്പ് നിര്വഹിച്ചു. മുണ്ടന്കാവ് എന്എസ്എസ് കരയോഗം ഓഡിറ്റോറിയത്തില് നടന്ന ചടങ്ങില് ആരോഗ്യകാര്യ സ്റ്റാന്ഡിങ് കമ്മിറ്റി ചെയര്പേഴ്സണ് റ്റി. കുമാരി അധ്യക്ഷത വഹിച്ചു. സ്റ്റാന്റിംഗ് കമ്മിറ്റി ചെയര്മാന്മാരായ ശ്രീദേവി ബാലകൃഷ്ണന്, ഓമന വര്ഗീസ്, വാര്ഡ് കൗണ്സിലര് രോഹിത് പി കുമാര്, കൗണ്സിലര് മനീഷ് കീഴാമഠത്തില്. സെക്രട്ടറി ഇന് ചാര്ജ് ബി. സുധന് എന്നിവര് സംസാരിച്ചു. ഹെല്ത്ത് ഇന്സ്പെക്ടര് എസ്. പ്രദീപ് കൃതജ്ഞതയും രേഖപ്പെടുത്തി. തുടര്ന്ന് പൈലറ്റ് വാര്ഡ് ആയി തെരഞ്ഞെടുത്ത ഒന്നാം വാര്ഡില് ക്യു ആര് കോഡ് പതിപ്പിക്കുന്നത് ആരംഭിച്ചു.
ചെങ്ങന്നൂര് നഗരസഭയില് ഹരിതമിത്രം മൊബൈല് ആപ്ലിക്കേഷന്റെ ഉദ്ഘാടനം നടത്തി
RECENT NEWS
Advertisment