ചെങ്ങന്നൂർ : ചെങ്ങന്നൂർ താലൂക്ക് ചെത്ത് തൊഴിലാളി യൂണിയൻ (സി.ഐ.ടി.യു) വാർഷിക സമ്മേളനം സി.പി.ഐ എം ഏരിയാ സെക്രട്ടറി അഡ്വ.എം.ശശികുമാർ ഉദ്ഘാടനം ചെയ്തു. ചെങ്ങന്നൂർ ചെത്ത് തൊഴിലാളി യൂണിയൻ ഓഫീസ് ഓഡിറ്റോറിയത്തിൽ യൂണിയൻ വൈസ് പ്രസിഡണ്ട് ആർ.ചന്ദ്രൻ അദ്ധ്യക്ഷത വഹിച്ച സമ്മേളനത്തിൽ യൂണിയൻ സെക്രട്ടറി വി.കെ.വാസുദേവൻ റിപ്പോർട്ട് അവതരിപ്പിച്ചു. എം.കെ.മനോജ്, പി.എസ് മോനായി, ടി.കെ.ശിവദാസൻ, എം.ടി. കൃഷ്ണൻകുട്ടി ,എന്നിവർ സംസാരിച്ചു. ഭാരവാഹികളായി അഡ്വ.എം ശശികുമാർ (പ്രസിഡണ്ട്), ടി.കെ.ശിവദാസൻ (വൈസ് പ്രസിഡണ്ട്), വി.കെ വാസുദേവൻ (ജനറൽ സെക്രട്ടറി), ആർ.ചന്ദ്രൻ (ജോ. സെക്രട്ടറി), കെ.എം കുഞ്ഞുമോൻ (ട്രഷറർ) എന്നിവരെ തിരഞ്ഞെടുത്തു.
