റാന്നി : പഴവങ്ങാടി ഗ്രാമപഞ്ചായത്ത് മക്കപ്പുഴ ഗവൺമെന്റ് യുപി സ്കൂളിൽ തൊഴിലുറപ്പ് തൊഴിലാളികളുടെയും, സ്കൂളിന്റെയും നേതൃത്വത്തിൽ നടന്ന വിളവെടുപ്പ് മഹോത്സവം ഗ്രാമപഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം ചെയ്തു. വാർഡ് മെമ്പർ എം.ജി ശ്രീകുമാർ അധ്യക്ഷത വഹിച്ചു. കൃഷി ഓഫീസർ മുത്തുസ്വാമി, കുടുംബശ്രീ ചെയർപേഴ്സൺ നിഷ രാജീവ്, സ്കൂളിലെ അധ്യാപകർ, കുട്ടികൾ, രക്ഷകർത്താക്കൾ, തൊഴിലുറപ്പ് തൊഴിലാളികൾ, തൊഴിലുറപ്പ് മേറ്റുമാർ എന്നിവർ പങ്കെടുത്തു.
