കൊച്ചി : സംസ്ഥാനത്ത് ഇതര സംസ്ഥാന ലോട്ടറി വില്പ്പന വിലക്കിയ സര്ക്കാര് വിജ്ഞാപനം ശരിവെച്ച് ഹൈക്കോടതി. സര്ക്കാര് വിജ്ഞാപനം റദ്ദാക്കിയ സിംഗിള് ബെഞ്ച് ഉത്തരവ് ഹൈക്കോടതി റദ്ദാക്കി. സര്ക്കാര് നല്കിയ അപ്പീലിലാണ് ഡിവിഷന് ബഞ്ചിന്റെ ഉത്തരവ്. ഇതര സംസ്ഥാന ലോട്ടറി വില്പന നിയന്ത്രിക്കുന്നതിന് നിയമം കൊണ്ടുവരാന് സര്ക്കാരിന് അധികാരമുണ്ടെന്ന് ഡിവിഷന് ബെഞ്ച് വ്യക്തമാക്കി .
സാന്റിയാഗോ മാര്ട്ടിന് ഡയറക്ടര് ആയ പാലക്കട്ടെ ഫ്യൂച്ചര് ഗൈമിങ് സൊല്യൂഷന് കമ്പിനിക്ക് വില്പ്പനാനുമതി നല്കിയ സിംഗിള് ബഞ്ച് ഉത്തരവാണ് ഡിവിഷന് ബഞ്ച് റദ്ദാക്കിയത്. നികുതി വെട്ടിച്ച് ലോട്ടറി വില്പ്പന നടത്തിയെന്നും ഫല പ്രഖ്യാപനത്തിലെ തിരിമറി ആരോപിച്ചുമാണ് വര്ഷങ്ങള്ക്കുമുമ്പ് സംസ്ഥാന സര്ക്കാര് ഇതര സംസ്ഥാന ലോട്ടറി നിരോധിച്ചത്. ഇക്കാര്യത്തില് സിബിഐയും പിന്നീട് അന്വേഷണം നടത്തിയിരുന്നു.
