കൊച്ചി : അനധികൃത സ്വത്ത് സമ്പാദനക്കേസില് നിലമ്പൂര് എംഎല്എ പി.വി. അന്വറിനെതിരെ വീണ്ടും ഹൈക്കോടതി ഇടപെടല്. അന്വറും കുടുംബവും അനധികൃതമായി കൈവശം വെച്ചിരുന്ന ഭൂമി തിരിച്ചു പിടിക്കുന്നതില് സര്ക്കാര് രണ്ടാഴ്ചയ്ക്കകം മറുപടി നല്കണമെന്ന് കോടതി നിര്ദേശിച്ചു. പി വി അന്വര് അനധികൃതമായി കൈവശം വെച്ചിരിക്കുന്ന ഭൂമി ആറ് മാസത്തിനകം തിരിച്ചു പിടിക്കണമെന്നായിരുന്നു കോടതിയുടെ ഉത്തരവ്.
ഉത്തരവ് നടപ്പാക്കിയില്ലെന്ന കോടതിയലക്ഷ്യ ഹര്ജിയിലാണ് സര്ക്കാര് അടിയന്തിരമായി ഇടപെടണമെന്ന് കോടതി നിര്ദേശിച്ചത്. എംഎല്എയുടെ ഭാര്യാപിതാവ് സി.കെ. അബ്ദുള് ലത്തീഫ് അദ്ദേഹത്തിന്റെ റസ്റ്റോറന്റിനുള്ള അനുമതിയുടെ മറവില് വിവാദതടയണക്ക് കുറുകെ നിയമവിരുദ്ധമായി കെട്ടിയ റോപ് വെ പൊളിച്ചു നീക്കാനുള്ള ഉത്തരവ് നടപ്പാക്കുന്നതില് വീഴ്ച വരുത്തിയാല് പഞ്ചായത്ത് സെക്രട്ടറിക്ക് പിഴ ചുമത്തുമെന്നാണ് കോടതിയുടെ തീരുമാനം.