23.7 C
Pathanāmthitta
Wednesday, December 8, 2021 9:38 pm
Advertismentspot_img

ശബരിമല ഹലാല്‍ ശര്‍ക്കര വിവാദം : ഹൈക്കോടതി ഭക്ഷ്യ സുരക്ഷാ വകുപ്പിനോട് വിശദീകരണം ആവശ്യപ്പെട്ടു

കൊച്ചി : ശബരിമല ഹലാല്‍ ശര്‍ക്കര വിവാദത്തിന്മേല്‍ സമര്‍പ്പിച്ച ഹര്‍ജിയില്‍ ഹൈക്കോടതി ഭക്ഷ്യ സുരക്ഷാ വകുപ്പിനോട് വിശദീകരണം ആവശ്യപ്പെട്ടു. ഭക്ഷ്യ സുരക്ഷാ വകുപ്പ് കമ്മീഷണറോടാണ് വിശദീകരണം തേടിയത്. ഹര്‍ജി മറ്റന്നാള്‍ വീണ്ടും പരിഗണിക്കും. ശബരിമലയില്‍ അപ്പം – അരവണ പ്രസാദ നിര്‍മ്മാണത്തിനാണ് ഹലാല്‍ ശര്‍ക്കര ഉപയോഗിച്ചത്. പുളിപ്പ് ബാധിച്ച്‌ ഉപയോഗശൂന്യമായ ശര്‍ക്കര ഗോഡൗണില്‍ നിന്നും തിരിച്ചെടുത്തപ്പോഴാണ് ചാക്കില്‍ ഹലാല്‍ എന്ന് ഇംഗ്ലീഷില്‍ എഴുതിയിരിക്കുന്നത് കണ്ടത്.

എന്നാല്‍ അപ്പം, അരവണ പ്രസാദത്തിനുപയോഗിച്ച ഏതാനും ശര്‍ക്കര പാക്കറ്റുകളില്‍ മാത്രമാണ് ഹലാല്‍ മുദ്രയുണ്ടായിരുന്നതെന്നാണ് ദേവസ്വം ബോര്‍ഡ് കോടതിയെ അറിയിച്ചിരിക്കുന്നത്. അറബ് രാജ്യങ്ങളിലേക്കടക്കം കയറ്റുമതി ചെയ്യുന്നതുകൊണ്ടാണ് ശര്‍ക്കര ചാക്കുകളില്‍ ഹലാല്‍ മുദ്ര ഉണ്ടായതെന്നും ദേവസ്വം ബോര്‍ഡ് വാക്കാല്‍ കോടതിയെ അറിയിച്ചിട്ടുണ്ട്. ശബരിമല കര്‍മ്മസമിതിയുടെ പരാതിയിന്മേല്‍ ആവശ്യപ്പെട്ട റിപ്പോര്‍ട്ടിലാണ് ദേവസ്വം ബോര്‍ഡ് ഇക്കാര്യങ്ങള്‍ പറയുന്നത്.

ശര്‍ക്കര മറ്റ് രാജ്യങ്ങളിലേക്ക് കയറ്റുമതി ചെയ്യുന്നതിന് വേണ്ടിയാണ് ഹലാല്‍ മുദ്ര പാക്കറ്റില്‍ പതിപ്പിച്ചതെന്നാണ് മുന്‍ ദേവസ്വം ബോര്‍ഡ് പ്രസിഡന്റ് എന്‍.വാസുവിന്റേയും വിശദീകരണം. 2019 ലാണ് ഈ ശര്‍ക്കര ഉപയോഗിച്ചത്. പിന്നീട് ഭക്തരുടെ തിരക്ക് കുറഞ്ഞതോടെ അരവണ പ്രസാദ നിര്‍മ്മാണം ഉള്‍പ്പെടെ നിര്‍ത്തലാക്കി. ആ ശര്‍ക്കര ഉപയോഗശൂന്യമായതോടെയാണ് പുനര്‍ലേലത്തിലൂടെ വില്‍ക്കാന്‍ ദേവസ്വം ബോര്‍ഡ് തീരുമാനിച്ചത്. ഫുഡ് സേഫ്റ്റി അതോറിറ്റിയും ഈ ശര്‍ക്കര ഉപയോഗശൂന്യമാണെന്ന റിപ്പോര്‍ട്ട് നല്‍കിയിരുന്നു. അങ്ങനെയിരിക്കെയാണ് ശര്‍ക്കര മറിച്ചു വില്‍ക്കാനുള്ള നീക്കവും നടന്നത്.

- Advertisment -
Advertisment
Advertisment
- Advertisment -
- Advertisment -

Most Popular