കൊച്ചി : ചരിത്രത്തില് ആദ്യമായി ഹൈക്കോടതി രാത്രികാല സിറ്റിംഗ് നടത്തി. ഇന്നലെ രാത്രി പതിനൊന്നു മുപ്പതിന് ഓണ്ലൈന് സിറ്റിങ്ങില് കൊച്ചി തുറമുഖത്തു നങ്ങൂരമിട്ടിട്ടുള്ള കപ്പല് തുറമുഖം വിടുന്നത് തടഞ്ഞു. ഇന്ന് രാവിലെ കപ്പല് തുറമുഖം വിടുന്ന സാഹചര്യത്തിലാണ് ജസ്റ്റിസ് ദേവന് രാമചന്ദ്രന് പ്രത്യേക സിറ്റിങ്ങില് കേസ് പരിഗണിച്ചത്. അഭിഭാഷകരും കോടതി ജീവനക്കാരും അടക്കം എല്ലാവരും തങ്ങളുടെ വീടുകളില് ഇരുന്നാണ് കേസില് ഹാജരായത്. അമ്പലമുകള് എഫ്എസിടിയിലേക്ക് സല്ഫറുമായി എത്തിയ എം.വി ഓഷ്യന് റോസ് എന്ന ചരക്ക് കപ്പല് തുറമുഖം വിടുന്നതാണ് കോടതി അറസ്റ്റ് ഉത്തരവിലൂടെ തടഞ്ഞത്.
കപ്പലിലേക്ക് വെള്ളം വിതരണം ചെയ്ത ഇനത്തില് രണ്ടര കോടിയോളം രൂപ ലഭിക്കാനുണ്ടെന്നു പരാതിപ്പെട്ട് കൊച്ചിയിലെ ഗ്രേസ് യാങ് ഇന്റര്നാഷണല് എന്ന സ്ഥാപനമാണ് കോടതിയെ സമീപിച്ചത്. സ്ഥാപനത്തിന് നല്കാനുള്ള തുകയും നിയമനടപടിക്ക് ആവശ്യമായ തുകയും കെട്ടിവെക്കുകയോ ഈ തുകക്ക് ആനുപാതികമായ ഈടോ നല്കാതെ കപ്പലിനെ തുറമുഖം വിടാന് അനുവദിക്കരുതെന്ന് കൊച്ചി തുറമുഖ ട്രസ്റ്റിന് കോടതി നിര്ദേശം നല്കി. കോടതി നിര്ദേശം പതിനഞ്ചു ദിവസത്തിനകം പാലിച്ചില്ലെങ്കില് കപ്പല് ലേലം ചെയ്യാന് ഹര്ജിക്കാര്ക് കോടതിയെ സമീപിക്കാമെന്നും ജസ്റ്റിസ് ദേവന് രാമചന്ദ്രന് ഇടക്കാല ഉത്തരവില് വ്യക്തമാക്കി. ഓണ്ലൈന് ഫയലിംഗില് സമര്പ്പിച്ച ഹര്ജിയാണ് പരിഗണിച്ചത്. ചരിത്രത്തില് ആദ്യമായി ഹൈക്കോടതി രാത്രികാല സിറ്റിംഗ് നടത്തിയത്. രാത്രി പതിനൊന്നു മുപ്പതിന് ഓണ്ലൈന് സിറ്റിങ്ങിലൂടെയാണ് കേസ് കോടതി പരിഗണിച്ചത്. അഭിഭാഷകരും കോടതി ജീവനക്കാരും അടക്കം എല്ലാവരും തങ്ങളുടെ വീടുകളില് ഇരുന്നാണ് കേസില് ഹാജരായത്.
