കൊല്ലം : കോവിഡ് വ്യാപിക്കുന്ന സാഹചര്യത്തില് ജില്ലയിലെ എല്ലാ പ്രധാന സര്ക്കാര് ആശുപത്രികളിലെയും ഇലക്ടീവ് സര്ജറികള് (മുന്കൂട്ടി നിശ്ചയിച്ചതും അടിയന്തരമല്ലാത്തതുമായ ശസ്ത്രക്രിയകള്) മാറ്റിവയ്ക്കാന് ആരോഗ്യവകുപ്പ് അധികൃതര് ബന്ധപ്പെട്ടവര്ക്ക് നിര്ദേശം നല്കി. അടിയന്തരമായി നടത്തേണ്ട ശസ്ത്രക്രിയകള് മാത്രം ഇപ്പോള് നടത്തിയാല് മതി എന്നാണ് നിര്ദ്ദേശം. കോവിഡ് ബാധിച്ചവരില് ഡയാലിസിസ് ആവശ്യമുള്ളവരുടേതെല്ലാം കൊല്ലം ഗവ.മെഡിക്കല് കോളജില് നടത്തും. ഇവിടെ ഡയാലിസിസ് നടത്തി വന്നിരുന്ന കോവിഡ് ബാധിതരല്ലാത്തവരുടെ ചികിത്സ കൊട്ടാരക്കര, പുനലൂര് താലൂക്ക് ആശുപത്രികളിലേക്കും ജില്ലാ ആശുപത്രിയിലേക്കും മാറ്റാനും ധാരണയായി.
