കൊച്ചി : വാഹനമോടിക്കുന്നയാളുടെ കാര്യത്തില് ഇന്ഷുറന്സ് പോളിസിയില് നഷ്ടപരിഹാരം നല്കേണ്ടതുണ്ടോ ഇല്ലയോ എന്നത് പരിഗണിക്കാതെ അപകടത്തില്പ്പെട്ടവര്ക്ക് അല്ലെങ്കില് മൂന്നാം കക്ഷിക്ക് തുടക്കത്തില് നഷ്ടപരിഹാരം നല്കാന് ഇന്ഷുറന്സ് കമ്പനി ബാധ്യസ്ഥരാണെന്ന് കേരള ഹൈക്കോടതി. ഇന്ഷുറന്സ് പോളിസിയില് നഷ്ടപരിഹാരം ലഭിക്കുന്നില്ലെങ്കിലും മദ്യപിച്ച് വാഹനമോടിച്ച് അപകടമുണ്ടാകുമ്പോള് ഇന്ഷുറന്സ് കമ്പനി ആദ്യഘട്ടത്തില് മൂന്നാം കക്ഷിക്ക് പണം നല്കണമെന്നും തുടര്ന്ന് ഡ്രൈവറില് നിന്നും ഉടമയില് നിന്നും പണം തിരികെ വാങ്ങണമെന്നും ജസ്റ്റിസ് സോഫി തോമസ് നിരീക്ഷിച്ചു. മഞ്ചേരി മോട്ടോര് ആക്സിഡന്റ്സ് ക്ലെയിം ട്രൈബ്യൂണല് (എംഎസിടി) നല്കിയ നഷ്ടപരിഹാരത്തുക കുറഞ്ഞു പോയതായി ചൂണ്ടിക്കാട്ടി നിലമ്പൂര് നടുവക്കാട് മുഹമ്മദ് റാഷിദ് നല്കിയ അപ്പീല് ഹര്ജിയിലാണ് ഉത്തരവ്.
2013ല് ഓട്ടോറിക്ഷയില് സഞ്ചരിക്കുമ്പോള് ഒന്നാം പ്രതി ഗിരിവാസന് ഓടിച്ച കാറിടിച്ചാണ് ഹര്ജിക്കാരന് ഗുരുതരമായി പരിക്കേറ്റത്. അപകടത്തില് റോഡിലേക്ക് തെറിച്ചുവീണ പരാതിക്കാരന് ഗുരുതരമായി പരിക്കേറ്റു. ആശുപത്രിയില് പ്രവേശിപ്പിച്ച് ഏഴ് ദിവസം ചികിത്സയില് കഴിഞ്ഞിരുന്ന അദ്ദേഹം ഡിസ്ചാര്ജ് ചെയ്തതിന് ശേഷവും ആറ് മാസം വിശ്രമിക്കേണ്ടി വന്നു. 12,000 രൂപ മാസവരുമാനമുള്ള ഡ്രൈവറായ ഹര്ജിക്കാരന് നാല് ലക്ഷം രൂപ നഷ്ടപരിഹാരം ആവശ്യപ്പെട്ട് ട്രൈബ്യൂണലിനെ സമീപിച്ചെങ്കിലും 2.4 ലക്ഷം രൂപയാണ് അനുവദിച്ചത്. തുടര്ന്നാണ് ഹൈക്കോടതിയെ സമീപിച്ചത്.
കാര് ഡ്രൈവര്ക്കെതിരെ ചുമത്തിയ കേസിന്റെകുറ്റപത്രത്തില് മദ്യപിച്ചാണ് കാര് ഓടിച്ചിരുന്നതെന്നും ഇത് ഡ്രൈവറോ ഉടമയോ നിഷേധിച്ചിട്ടില്ലെന്നും കോടതി ചൂണ്ടിക്കാട്ടി. ഡ്രൈവര് മദ്യപിച്ച് വാഹനമോടിച്ചതിനാല് ഇന്ഷുറന്സ് ചെയ്തയാള്ക്ക് നഷ്ടപരിഹാരം നല്കേണ്ട ബാധ്യതയില്ലെന്ന് ഇന്ഷുറന്സ് കമ്പനി വാദിച്ചിരുന്നു. എന്നാല് മദ്യപിച്ച് വാഹനമോടിക്കുന്നത് പോളിസി നിബന്ധനകളുടെയും വ്യവസ്ഥകളുടെയും ലംഘനമാണെന്ന് പോളിസി സര്ട്ടിഫിക്കറ്റില് വ്യക്തമാക്കിയിട്ടുണ്ടെങ്കിലും, മൂന്നാം കക്ഷിക്ക് നഷ്ടപരിഹാരം നല്കാന് ഇന്ഷുറന്സ് കമ്പനിക്ക് ബാധ്യതയുണ്ടെന്ന് കോടതി വ്യക്തമാക്കി.
തുടര്ന്ന് ട്രൈബ്യൂണല് ഉത്തരവിട്ട നഷ്ടപരിഹാരത്തുകക്ക് പുറമെ 39,000 രൂപ കൂടി നല്കാന് കോടതി നിര്ദേശിച്ചു. ഈ തുക വര്ഷംതോറും ഏഴു ശതമാനം പലിശ നിരക്കില് ഹര്ജിക്കാരന്റെ ബാങ്ക് അക്കൗണ്ടില് രണ്ടു മാസത്തിനകം നിക്ഷേപിക്കാനും കോടതി ഉത്തരവിട്ടു.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
