തിരുവനന്തപുരം : തിരുവനന്തപുരം അന്താരാഷ്ട്ര വിമാനത്താവളത്തില് ജനുവരിയിൽ മാത്രം കസ്റ്റംസ് അധികൃതര് പിടികൂടിയത് 8.815 കിലോ ഗ്രാം സ്വര്ണം. ഇതിനു വിപണിയില് 5.16 കോടി രൂപ വില വരുന്നതായി കസ്റ്റംസിന്റെ ഇന്റലിജന്സ് വിഭാഗം അധികൃതര് അറിയച്ചു. ഇതോടൊപ്പം ലക്ഷക്കണക്കിന് രൂപ വില വരുന്ന സിഗരറ്റും അധികൃതര് കള്ളക്കടത്ത് സംഘത്തിന്റെ കൈയ്യില് നിന്നും പിടികൂടുകയുണ്ടായി.
സ്വര്ണം കടത്താന് ശ്രമിച്ച 13 കേസുകളിലായിട്ടാണ് 5.16 കോടി രൂപയുടെ സ്വര്ണം പിടിച്ചെടുത്തത്. ഇതില് കൂടുതലും ദ്രവരൂപത്തിലാക്കിയ സ്വര്ണ മിശ്രിതം ക്യാപ്സൂളുകളിലാക്കി ശരീരത്തിന്റെ വിവിധ ഭാഗങ്ങളില് ഒളിപ്പിച്ച നിലയിലായിരുന്നു. കൂടാതെ ബിസ്ക്കറ്റുകളുടെ രൂപത്തില് ഷര്ട്ടിനുള്ളില് ഒളിപ്പിച്ച നിലയിലും കണ്ടെടുക്കുകയും ചെയ്തിട്ടുണ്ട്.
