കൊല്ലം : മഴ തുടരുന്ന സാഹചര്യത്തില് കരുനാഗപ്പള്ളി താലൂക്കില് കണ്ട്രോള് റൂം തുറന്നു. ഡെപ്യൂട്ടി തഹസില്ദാര്മാരുടെ നേതൃത്വത്തിലാണ് 24 മണിക്കൂറും പ്രവര്ത്തിക്കുന്ന കണ്ട്രോള് റൂം. അടിയന്തര സാഹചര്യങ്ങള് പൊതുജനങ്ങള്ക്ക് 0476- 620223 നമ്പറില് ബന്ധപ്പെടാം. വെള്ളക്കെട്ട് ബാധിത പ്രദേശങ്ങള് കണ്ടെത്തി അത് ഒഴിവാക്കാനുള്ള നടപടികള് സ്വീകരിക്കാന് ഗ്രാമപഞ്ചായത്തുകള്ക്ക് നിര്ദ്ദേശം നല്കിയിട്ടുണ്ടെന്ന് തഹസില്ദാര് ഷിബു പോള് പറഞ്ഞു. വെള്ളക്കെട്ടുണ്ടായാല് മോട്ടോര് ഉപയോഗിച്ച് അടിയന്തരമായി വെള്ളം വറ്റിക്കാനുള്ള സൗകര്യം ഒരുക്കിയിട്ടുണ്ട്. വെള്ളപ്പൊക്ക ഭീഷണിയുള്ള പള്ളിക്കലാറിന്റെ തീരത്ത് നിലവിലെ സ്ഥിതിയില് ആശങ്കയില്ല. ആലപ്പാട് മേഖലയില് നിന്നു മത്സ്യബന്ധനത്തിന് പോയി തോട്ടപ്പള്ളി പടിഞ്ഞാറ് കുടുങ്ങിയ ബോട്ട് കോസ്റ്റ് ഗാര്ഡിന്റെ നേതൃത്വത്തില് അഴീക്കല് ഹാര്ബറില് കരയ്ക്ക് എത്തിച്ചു.
