തിരുവനന്തപുരം : തലസ്ഥാന നഗരിയില് കനത്ത മഴ. പെട്ടെന്നുണ്ടായ മഴയില് നഗരത്തിലെ പ്രധാന റോഡുകള് വെള്ളത്തിനടിയിലായി. കാറ്റില് ഫ്ളക്സ് ബോര്ഡുകള് ഒടിഞ്ഞു വീണു. പാങ്ങോട് മരം ഒടിഞ്ഞുവീണ് ഗതാഗതം തടസ്സപ്പെട്ടു. തമ്പാനൂരിലെയും സെക്രട്ടറിയറ്റ് പരിസരത്തെയും റോഡുകളില് വെള്ളക്കെട്ടുണ്ടായി. മഴ ശക്തമായതോടെ രൂക്ഷമായ ഗതാഗതക്കുരുക്കും അനുഭവപ്പെട്ടു.
വേനല് മഴയാണ് തലസ്ഥാനത്ത് ലഭിച്ചതെന്ന് കാലാവസ്ഥാ കേന്ദ്രം അധികൃതര് പറഞ്ഞു. തിരുവനന്തപുരം, കൊല്ലം ജില്ലകളില് ഒറ്റപ്പെട്ടയിടങ്ങളില് ഇടിയോടു കൂടിയ മഴയ്ക്കും 40 കിലോമീറ്റര് വേഗത്തില് വീശിയടിക്കാവുന്ന കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പു നല്കിയിരുന്നു.
