തിരുവനന്തപുരം : ഹേമ കമ്മിറ്റി റിപ്പോര്ട്ട് പുറത്തുവിടരുതെന്ന് വിമണ് ഇന് സിനിമ കളക്ടീവ് (ഡബ്ലൂസിസി) മന്ത്രിയോട് ആവശ്യപ്പെട്ടതെന്തിനാണെന്ന് മനസിലാകുന്നില്ലെന്ന് നടിയും ഡബ്ലിംഗ് ആര്ട്ടിസ്റ്റുമായ ഭാഗ്യലക്ഷ്മി. റിപ്പോര്ട്ട് പുറത്തുവിട്ടാല് പ്രതിരോധത്തിലാകുന്നത് പരാതിക്കാരി തന്നെയായിരിക്കുമെന്ന് അവര് പ്രതികരിച്ചു റിപ്പോര്ട്ട് പുറത്തുവന്നാല് പലരുടെയും മുഖങ്ങള് വികൃതമാകും. എന്നാല് സമൂഹത്തിന്റെ മനോഭാവമനുസരിച്ച് അത് താത്കാലികമായിരിക്കുമെന്നും ഭാഗ്യലക്ഷ്മി പറഞ്ഞു.
ഹേമ കമ്മിറ്റി റിപ്പോര്ട്ട് പുറത്തുവിടരുതെന്ന് ഡബ്ല്യൂസിസി ആവശ്യപ്പെട്ടെന്ന് ഒരു സ്വകാര്യ മാദ്ധ്യമത്തിന് നല്കിയ അഭിമുഖത്തില് നിയമ മന്ത്രി വെളിപ്പെടുത്തിയിരുന്നു. ഇതിനുപിന്നാലെ മന്ത്രിക്ക് സമര്പ്പിച്ച കത്തിന്റെ പൂര്ണരൂപം ഫേസ്ബുക്കില് പങ്കുവച്ചുകൊണ്ട് സംഘടന രംഗത്തെത്തിയിരുന്നു. ഹേമ കമ്മിറ്റി മുന്നോട്ടുവെച്ചു നിര്ദ്ദേശങ്ങളില് അവര് എത്താനുണ്ടായ കാരണം പൊതു ജനങ്ങള്ക്ക് അറിയേണ്ടതുണ്ടെന്നായിരുന്നു ഡബ്ലൂസിസി കത്തില് പറയുന്നത്