പുളിക്കീഴ് ബ്ലോക്ക് പഞ്ചായത്തിലെ ഭിന്നശേഷിക്കാരുടെ പ്രതിഭാ കലോത്സവം – വര്‍ണ്ണപ്പകിട്ട് 2020 നടന്നു

പത്തനംതിട്ട : പുളിക്കീഴ് ബ്ലോക്ക് പഞ്ചായത്തിലെ ഭിന്നശേഷിക്കാരുടെ സര്‍ഗശേഷി വളര്‍ത്തുന്നതിനും അവരെ മുഖ്യധാരയിലേക്ക് എത്തിക്കുന്നതിനുമായി കുട്ടികളുടെ പ്രതിഭാ കലോത്സവും കൂട്ടായ്മയും നടത്തി. വര്‍ണ്ണപ്പകിട്ട് 2020 എന്നപേരില്‍  കടപ്ര കണ്ണശ സ്മാരക ഗവ.ഹയര്‍ സെക്കന്‍ഡറി സ്‌കൂളില്‍ നടന്ന കലോത്സവം  തിരുവല്ല ഡി.വൈ.എസ്. പി ജെ.ഉമേഷ് കുമാര്‍  ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് അംബികാ മോഹന്‍ അദ്ധ്യക്ഷത വഹിച്ചു. പരിമിതികളില്‍ നിന്ന് ഉയരങ്ങളിലേക്ക് എന്ന വിഷയത്തില്‍ കെ.പി.രമേശ് ക്ലാസ് നയിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് സൂസമ്മ പൗലോസ്, സ്ഥിരം സമിതി അധ്യക്ഷരായ ബിനില്‍ കുമാര്‍, ശോശാമ്മ മജു, സെക്രട്ടറി ബീനാകുമാരി, ഈപ്പന്‍ കുര്യന്‍, സതീഷ് ചാത്തങ്കരി, അന്നമ്മ വര്‍ഗീസ്, പ്രകാശ് വള്ളംകുളം, സി.ഡി.പി.ഒ. അലീമ, എന്നിവര്‍ പ്രസംഗിച്ചു.