വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ വാ​ഹ​ന​ങ്ങ​ളി​ലു​ള്ള അ​ഭ്യാ​സം വി​ല​ക്കി ഹൈക്കോടതി

കൊ​ച്ചി: വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ വാ​ഹ​ന​ങ്ങ​ളി​ലു​ള്ള അ​ഭ്യാ​സം വി​ല​ക്കി ഹൈക്കോടതി. ക​ഴി​ഞ്ഞ ദി​വ​സം ഓ​ണാ​ഘോ​ഷ​ത്തി​ന്‍റെ മ​റ​വി​ൽ കോ​ഴി​ക്കോ​ട്​ ഫാ​റൂ​ഖ്, ക​ണ്ണൂ​ര്‍ കാ​ഞ്ഞി​രോ​ട് നെ​ഹ്​​റു കോ​ള​ജു​ക​ളി​ലും റോ​ഡി​ലും വാ​ഹ​ന​ങ്ങ​ളി​​ൽ ന​ട​ന്ന അ​പ​ക​ട​ക​ര​മാ​യ റോ​ഡ്​ ഷോ​യു​മാ​യി ബ​ന്ധ​പ്പെ​ട്ട്​ സ്വ​മേ​ധ​യാ സ്വീ​ക​രി​ച്ച ഹ​ർ​ജി​യി​ലാ​ണ്​ ജ​സ്റ്റി​സ്​ അ​നി​ൽ​ കെ. ​ന​രേ​ന്ദ്ര​ൻ, ജ​സ്റ്റി​സ്​ പി.​ജി. അ​ജി​ത്​​കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെഞ്ച് ഉ​ത്ത​ര​വ് പുറപ്പെടുവിച്ചത്. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കാ​തി​രി​ക്കാ​ൻ പോ​ലീ​സ് മേ​ധാ​വി​യും ഗ​താ​ഗ​ത കമ്മീ​ഷ​ണ​റും ന​ട​പ​ടി ഉ​റ​പ്പ് വ​രു​ത്ത​ണ​മെ​ന്നും ഫാ​റൂ​ഖ് അറിയിച്ചു. ക​ണ്ണൂ​ർ കോ​ള​ജു​ക​ളി​ലെ സം​ഭ​വ​ത്തി​ൽ പ്രോ​സി​ക്യൂ​ഷ​ൻ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചു.

റോ​ഡ്​ ഷോ ​സം​ബ​ന്ധി​ച്ച മാ​ധ്യ​മ വാ​ർ​ത്ത​ക​ളു​ടെ അ​ടി​സ്ഥാ​ന​ത്തി​ലാ​ണ് കോ​ള​ജു​ക​ളി​ലെ ഓ​ണാ​ഘോ​ഷ​ത്തി​നി​ടെ​യു​ള്ള വാ​ഹ​ന അ​ഭ്യാ​സ​ത്തി​ൽ ഹൈക്കോടതി ഇ​ട​പെ​ട്ട​ത്. കോ​ഴി​ക്കോ​ട്, ക​ണ്ണൂ​ർ കോ​ള​ജു​ക​ളി​ലെ സം​ഭ​വ​ത്തി​ൽ ഉ​ൾ​പ്പെ​ട്ട മു​ഴു​വ​ൻ വാ​ഹ​ന​ങ്ങ​ളും ക​സ്റ്റ​ഡി​യി​ലെ​ടു​ത്ത് പ​രി​ശോ​ധ​ന ന​ട​ത്താ​ൻ കോ​ട​തി നി​ർ​ദേ​ശി​ച്ചു. വാ​ഹ​ന​ങ്ങ​ൾ രൂ​പ​മാ​റ്റം വ​രു​ത്തി​യി​ട്ടു​ണ്ടോ​യെ​ന്ന് മോ​ട്ടോ​ർ വാ​ഹ​ന വ​കു​പ്പി​ലെ ഉ​ന്ന​ത ഉ​ദ്യോ​ഗ​സ്ഥ​ർ പ​രി​ശോ​ധി​ക്ക​ണം. വാ​ഹ​ന​ത്തി​ൽ അ​ഭ്യാ​സം ന​ട​ത്തി​യ വിദ്യാർത്ഥികളുടെ വി​വ​ര​ങ്ങ​ൾ കോ​ട​തി​ക്ക് കൈ​മാ​റ​ണ​മെ​ന്നും നി​ർ​ദേ​ശി​ച്ചു.

സം​ഭ​വ​ത്തി​ൽ ന​ട​പ​ടി സ്വീ​ക​രി​ച്ച​താ​യി പോലീ​സും മോ​ട്ടോ​ർ വാ​ഹ​ന വ​കു​പ്പും കോ​ട​തി​യെ അ​റി​യി​ച്ചു. വാ​ഹ​ന​മോ​ടി​ച്ച​വ​രു​ടെ ലൈ​സ​ൻ​സ് റ​ദ്ദാ​ക്കു​ന്ന കാ​ര്യം പ​രി​ശോ​ധി​ക്കു​മെ​ന്ന്​ മോ​ട്ടോ​ർ വാ​ഹ​ന വ​കു​പ്പ് കോ​ട​തി​യെ അ​റി​യി​ച്ചു. എ​ട്ട് വാ​ഹ​നം പി​ടി​ച്ചെ​ടു​ത്തു. പി​ടി​ച്ചെ​ടു​ത്ത വാ​ഹ​ന​ങ്ങ​ളു​ടെ ഫോ​ട്ടോ​യും കോ​ട​തി​ക്ക് കൈ​മാ​റി. വാ​ഹ​ന ഉ​ട​മ​ക്കും ഡ്രൈ​വ​ർ​ക്കു​മെ​തി​രെ പ്രോ​സി​ക്യൂ​ഷ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന്​ കോ​ട​തി നി​ർ​ദേ​ശി​ച്ചു. ഇ​ക്കാ​ര്യ​ത്തി​ൽ ഗ​താ​ഗ​ത ക​മ്മീ​ഷ​ണ​ർ വി​ശ​ദ​മാ​യ റി​പ്പോ​ർ​ട്ട് ന​ൽ​ക​ണ​മെ​ന്ന്​ നി​ർ​ദേ​ശി​ച്ച കോ​ട​തി ഹ​ർ​ജി 27ന്​ ​പ​രി​ഗ​ണി​ക്കാ​ൻ മാ​റ്റി.