തരുത്തിക്കാട് : ഗ്രാമങ്ങളിൽ സ്ഥിതി ചെയ്യുന്ന ഉന്നത വിദ്യാഭ്യാസ സ്ഥാപനങ്ങൾ ഗ്രാമീണരുടെ ജീവിതത്തെ ഉന്നത നിലവാരത്തിലേക്കുയർത്തുവാൻ സഹായിക്കുന്നവയാകണമെന്ന് ഡോ.ജോസഫ് മാർ ദിവന്നാസ്യോസ് മെത്രപ്പോലീത്ത പ്രസ്താവിച്ചു. തുരുത്തിക്കാട് ബിഷപ്പ് ഏബ്രഹാം മെമ്മോറിയൽ കോളേജ് സ്ഥാപകൻ റവ.ഡോ.റ്റി.സി ജോർജ്ജിന്റെ സ്മരണക്കായി ഏർപ്പെടുത്തിയിട്ടുള്ള പുരസ്കാരം ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഗ്രാമീണ മേഖലയിൽ വിശിഷ്ട സേവനങ്ങളർപ്പിച്ച പുതു വാക്കൽ ഗ്രാമീണ വായനശാലക്കു നല്കിയ പുരസ്കാരം പ്രസിഡൻ്റ് ജോസ് കെ.തോമസ് കുളനട ഏറ്റുവാങ്ങി. മനേജർ ഏബ്രഹാം ജെ.ജോർജ് അദ്ധ്യക്ഷത വഹിച്ചു. റവ.ഡോ.മോത്തി വർക്കി സ്മാരക പ്രഭാഷണം നടത്തി.പ്രിൻസിപ്പൽ ബിജു ടി ജോർജ്, മുൻ പ്രിൻസിപ്പൽ, ഡോ.ജോസ് പാറക്കടവിൽ, ഡോ.അനീഷ് കുമാർ ജി എസ് ,ഡോ.എ.സി ബിന്ദു എന്നിവർ പ്രസംഗിച്ചു.
