കോഴിക്കോട്: ഹിജാബ് വിവാദത്തില് സ്കൂള് മാനേജ്മെന്റിനെതിരെ കടുത്ത വിമര്ശനവുമായി വിദ്യാഭ്യാസ മന്ത്രി വി ശിവന്കുട്ടി. കുട്ടി സ്കൂള് വിടാന് കാരണക്കാരായവര് മറുപടി പറയേണ്ടിവരുമെന്ന് മന്ത്രി മാധ്യമങ്ങളോട് പ്രതികരിച്ചു. ഹിജാബിനെതിരെ സംസാരിച്ചത് ശിരോവസ്ത്രമിട്ട പ്രിൻസിപ്പാളാണെന്നും വി ശിവൻകുട്ടി വിമര്ശിച്ചു. പള്ളുരുത്തി സെൻ്റ് റീത്താസ് ഹൈസ്കൂളിൽ തുടരാൻ മകൾക്ക് താൽപര്യമില്ലെന്നും കുട്ടിയെ സ്കൂള് മാറ്റുമെന്നും പിതാവ് അറിയിച്ചതിന് പിന്നാലെയാണ് മന്ത്രിയുടെ പ്രതികരണം. അതേസമയം, പാലക്കാട്ടെ 14 കാരന്റെ ആത്മഹത്യയില് വിദ്യാഭ്യാസ വകുപ്പ് വിശദമായ അന്വേഷണം നടത്തുമെന്നും മന്ത്രി പറഞ്ഞു. ഡിഡിഇയുടെ അന്വേഷണ റിപ്പോര്ട്ട് തൃപ്തികരമായിരുന്നില്ലെന്നും അദ്ദേഹം പറഞ്ഞു.
