ടെഹ്റാന്‍ : ഹിജാബ് വിരുദ്ധ പ്രതിഷേധത്തിനു തിരികൊളുത്തിയ മഹ്സാ അമിനയുടെ മരണത്തിനു കാരണം പോലീസ് മര്‍ദനമല്ലെന്നു പോസ്റ്റ് മോര്‍ട്ടം റിപ്പോര്‍ട്ട്. തലച്ചോറില്‍ ഒക്സിജന്‍ ലഭിക്കാത്ത അവസ്ഥയായ ‘സെറിബ്രല്‍ ഹൈപോക്സിയ’ മൂലം ആന്തരികാവയവങ്ങളുടെ പ്രവര്‍ത്തനം നിലച്ചതാണു മരണകാരണം. ശിരസിലോ ശരീരത്തിലോ ഏറ്റ അടിയല്ല മരണകാരണമെന്ന് റിപ്പോര്‍ട്ടില്‍ പറയുന്നതായി ഇറാനിലെ ഔദ്യോഗിക മാധ്യമങ്ങള്‍ പറഞ്ഞു. അതേസമയം മഹ്സയ്ക്കു മര്‍ദനമേറ്റിരുന്നോ എന്നകാര്യം പോസ്റ്റ് മോര്‍ട്ടം റിപ്പോര്‍ട്ടില്‍ വ്യക്തമാക്കുന്നില്ല.
