കോട്ടക്കല് : ഹിജാബ് വിവാദം കേന്ദ്ര സര്ക്കാറിന്റെ ഭരണപരാജയം മറച്ച് വെക്കാനായി സാമുദായിക ധ്രുവീകരണം ഉണ്ടാക്കുന്നതിന്റെ ഭാഗമാണെന്ന് ഐ.എന്.എല് പ്രവര്ത്തക സമിതി യോഗം പ്രമേയത്തില് ആരോപിച്ചു. ദേശീയ കമ്മിറ്റി നിര്ദേശ പ്രകാരം സംസ്ഥാന അഡ്ഹോക് കമ്മിറ്റിക്ക് കീഴില് ഫെബ്രുവരി 22 മുതല് ആരംഭിക്കുന്ന ഐ.എന്.എല് അംഗത്വ വാരാചരണ കാമ്പയിന് പ്രവര്ത്തനങ്ങള്ക്ക് ജില്ലയില് തുടക്കമായി. കോട്ടക്കല് സ്മാര്ട്ട് കോണ്ഫറന്സ് ഹാളില് നടന്ന ജില്ല പ്രവര്ത്തക സമിതി യോഗത്തില് അംഗത്വ കാമ്പയിനിന്റെയും സംഘടന തെരഞ്ഞെടുപ്പ് ആരംഭിക്കാനുമുള്ള ക്രമീകരണം പൂര്ത്തിയാക്കി. ദേശീയ നേതൃത്വത്തെ അംഗീകരിച്ച് പോകുന്നവര്ക്കെല്ലാം അംഗത്വം നല്കാനും സമൂഹത്തിന്റെ വിവിധതലത്തില് പ്രവര്ത്തിക്കുന്നവരെ പാര്ട്ടിയുടെ അംഗമാക്കാനുമുള്ള ശ്രമങ്ങള്ക്ക് നേതൃത്വം നല്കാനും യോഗം തീരുമാനിച്ചു.
സംഘടന തെരഞ്ഞെടുപ്പ് ചുമതലയുളള ജില്ല വരണാധികാരി അശ്റഫ് അലി വല്ലപ്പുഴ യോഗം ഉദ്ഘാടനം ചെയ്തു. ജില്ല പ്രസിഡന്റ് സമദ് തയ്യില് അധ്യക്ഷത വഹിച്ചു. സെക്രട്ടറി റഹ്മത്തുള്ള ബാവ, ട്രഷറര് നാസര് ചിനക്കലങ്ങാടി, എന്.വൈ.എല് സംസ്ഥാന പ്രസിഡന്റ് അഡ്വ.ശമീര് പയ്യനങ്ങാടി, ഒ.ഒ ശംസു, കെ.പി അബ്ദുഹാജി, സലാം കുരിക്കള്, കുഞ്ഞിമുഹമ്മദ് കുറ്റിക്കാടന്, ടി.കെ അസീസ്, കെ.കെ.എം കുറ്റൂര്, സി.പി അബ്ദുല് വഹാബ്, ടി.സൈത് മുഹമ്മദ്, എന്.പി ശംസു, മുജീബ് പുള്ളാട്ട്, ആലിമുഹമ്മദ്, ഹംസ മുണ്ടക്കന്, റഫീഖ് പെരുന്തല്ലൂര്, എ.കെ സിറാജ്, പി.വി അക്ബര്, മജീദ് ചിറ്റങ്ങാടന്, അലവി കോട്ടക്കല്, നൗഷാദ് തൂത, എ.വി.എം മണൂര്, പോഷക സംഘടന നേതാക്കളായ ഷാജി ശമീര് പാട്ടശ്ശേരി, പറാട്ടി കുഞ്ഞാന്, സൈത് കള്ളിയത്ത്, അലി പെരുന്തല്ലൂര്, സലീം പൊന്നാനി, യൂനുസ് സലീം എന്നിവര് സംസാരിച്ചു.
