റാന്നി : ഇട്ടിയപ്പാറ സ്വകാര്യ ബസ് സ്റ്റാന്ഡടക്കം പ്രവര്ത്തന രഹിതമായ ടൗണിലെ മൂന്നിടത്തെ ഹൈമാസ്റ്റ് വിളക്കുകള് ഇനി പ്രകാശം ചൊരിയും. ടൗണില് സന്ധ്യകഴിഞ്ഞാല് വെളിച്ചമില്ലാതെ കൂരിരുട്ടിലാകുന്നതിനെപ്പറ്റി നിരന്തരം വാര്ത്തകള് വന്നിട്ടും ടൗണ് ഇരുളില് തന്നെയായിരുന്നു. അങ്കനവാടികള്, കൃഷിഭവന്, പഴവങ്ങാടി പഞ്ചായത്തു വക ബസ് സ്റ്റാന്ഡ് തുടങ്ങിയവിടങ്ങളിലെ ലൈറ്റുകളാണ് പ്രവര്ത്തനരഹിതമായത്.
മൂന്ന് ഹൈമാസ്റ്റ് ലൈറ്റുകള് പ്രവര്ത്തന സജ്ജമാക്കുന്നതിന് ആവശ്യമായ എസ്റ്റിമേറ്റ് എടുക്കുന്നതിനു വേണ്ടി ജില്ലാ പഞ്ചായത്ത് ഇലക്ട്രിക് സെക്ഷന് വിഭാഗത്തില് നിന്നുമുള്ള ഉദ്യോഗസ്ഥരാണ് എത്തിയത്. ഗ്രാമപഞ്ചായത്ത് അംഗങ്ങളായ സൗമ്യ ജി. നായര്, റൂബി കോശി, കൃഷി ഓഫീസര് മുത്തുസ്വാമി, കൃഷി അസിസ്റ്റന്റ് ഹരികുമാര്, രാധാകൃഷ്ണന്, സനല് എന്നിവരുടെ നേതൃത്വത്തിലാണ് ഇതിന്റെ എസ്റ്റിമേറ്റ് തയ്യാറാക്കി പ്രാരംഭ നടപടികള്ക്കായി മാറ്റിയത്.
