കൊച്ചി : എല്ലാവര്ക്കും ശിക്ഷ വാങ്ങി നല്കലല്ല പ്രോസിക്യൂട്ടറുടെ ജോലിയെന്ന് ജഡ്ജി ഹണി എം വര്ഗീസ്.പോലീസ് കാെണ്ടുവരുന്ന എല്ലാ കേസുകളിലും പ്രതികള്ക്ക് ശിക്ഷ വാങ്ങിച്ച് കാെടുക്കുക എന്നതല്ല പ്രോസിക്യൂട്ടറുടെ ജോലി. പ്രാേസിക്യൂട്ടറുടെ ചുമതല സമൂഹത്തോടാണ്. സുപ്രീം കോടതി ഇക്കാര്യം നിരവധി തവണ വ്യക്തമാക്കിയതാണെന്നും ജഡ്ജി ഹണി എം വര്ഗീസ് പറഞ്ഞു.
ജാമ്യത്തിന് പ്രതിക്ക് അര്ഹത ഉണ്ടെങ്കില് പ്രോസിക്യൂട്ടര് അത് അംഗീകരിക്കണം. അതിന് പഴി കേള്ക്കുമെന്ന ഭീതിയാണ് പലര്ക്കുമെന്നും ഹണി വര്ഗീസ് പറഞ്ഞു. എറണാകുളം പ്രിന്സിപ്പല് സെഷന്സ് കോടതി ജഡ്ജിയും നടിയെ ആക്രമിച്ച കേസ് പരിഗണിക്കുന്ന പ്രത്യേക കോടതി ജഡ്ജിയുമാണ് ഹണി എം വര്ഗീസ്.പ്രോസിക്യൂട്ടര്മാര്ക്കും അഭിഭാഷകര്ക്കും നിയമവിദ്യാര്ത്ഥികള്ക്കുമായി നടന്ന ബോധവല്ക്കരണ ക്ലാസ് കൊച്ചിയില് ഉദ്ഘാടനം ചെയ്തു സംസാരിക്കുകയായിരുന്നു ജഡ്ജി ഹണി എം വര്ഗീസ്.
