മീററ്റ് : പാക് ചാരസംഘടനയായ ഐ.എസ്.ഐ. ഇന്ത്യന് എംബസി ജീവനക്കാരനെ കെണിയിലാക്കിയത് ഹണിട്രാപ്പിലൂടെ. പാകിസ്താന് വേണ്ടി ചാരവൃത്തി നടത്തിയെന്ന കേസില് അറസ്റ്റിലായ സതേന്ദ്ര സിവാല് ആണ് ഐ.എസ്.ഐ. ഒരുക്കിയ ഹണിട്രാപ്പ് കെണിയില്വീണത്. സാമൂഹികമാധ്യമത്തിലൂടെ യുവതിയുമായി സൗഹൃദത്തിലായ ഇയാള്, പല രഹസ്യരേഖകളും പങ്കുവെച്ചതായാണ് ഉത്തര്പ്രദേശ് തീവ്രവാദ വിരുദ്ധ സ്ക്വാഡി(എ.ടി.എസ്)ന്റെ കണ്ടെത്തല്.
പത്തുദിവസം മുമ്പാണ് ഉത്തര്പ്രദേശ് ഹാപുര് സ്വദേശിയായ സതേന്ദ്ര സിവാലിനെ എ.ടി.എസ്. അറസ്റ്റ് ചെയ്തത്. പ്രതിരോധ, വിദേശകാര്യ മന്ത്രാലയങ്ങളുമായി ബന്ധപ്പെട്ട വിവരങ്ങള് പാക് ചാരസംഘടനയായ ഐ.എസ്.ഐ.യ്ക്ക് ചോര്ത്തിനല്കിയെന്ന് കണ്ടെത്തിയതിന് പിന്നാലെയാണ് എ.ടി.എസ്. ഇയാളെ പിടികൂടിയത്.
